चलचित्रको निर्देशन विधामा स्नातक पढेका रोहित अधिकारीले पहिलो प्रोजेक्टमा भने लगानी गरे । निर्देशन पढेको मान्छे किन निर्माता बन्नु भयो भन्ने प्रश्नमा उनी भन्छन्-‘पढ्ने वित्तिकै सोही काम नै गर्नुपर्छ भन्ने छैन । मैले चलचित्र क्षेत्रलाई वुझ्नका लागि पनि अध्ययन गरेको हुँ ।’
चलचित्र ‘गाजलु’मा १ करोड २५ लाख लगानी गरेको बताउँदै रोहितले भने-‘यो चलचित्रबाट मलाई ४८ लाख नाफा भएको छ ।’ १ करोड २५ लाख लगानी उठाएर पनि ४८ लाख नाफा गर्नु आफैमा सजिलो कुरा नभएको उनले सुनाए ।
पहिलो चलचित्र नै हिट भएपछि रोहितले दोश्रो चलचित्रको तयारी थालिसकेका छन् । लभ स्टोरी जनरामा निर्माण हुने चलचित्रको बजेट १ करोड ३० लाखको सेरोफेरोमा हुने उनको भनाई छ । हेमराज वीसीले चलचित्रको निर्देशन गर्दैछन् ।
अहिले यूटुब, भीसीडी राइट्स, ओभरसिज राइट्सका कारण पनि लगानी उठाउन सहज हुन थालेको र राम्रा मेकरलाई वितरकदेखि विभिन्न कम्पनीले पत्याउन थालेको रोहितको वुझाई छ ।
तपाई निर्देशक कहिले बन्ने त भन्ने प्रश्नमा, रोहित भन्छन्-‘पहिले म ८-१० वटा चलचित्र निर्माण गर्छु, अनी मात्र निर्देशनमा हात हाल्छु ।’
दोश्रो प्रोजेक्टमा पनि स्टार कलाकार लिएरै काम गर्ने रोहितले सुनाए । नेपाली चलचित्रले अहिले नेपाल लगायत विश्वका विभिन्न देशमा राम्रो व्यापार गर्न थालेपछि अहिले लगानीकर्ताहरु हौसिएका छन् । यूवा निर्माता रोहित, चलचित्र क्षेत्रका लागि केहि गर्ने जोशका साथ आफू प्रवेश गरेको बताउँछन् ।
प्रतिक्रिया 4