भारु पाँच सय र एक हजारका नोट साट्दिन्छु भन्दै नेपालीलाई ठग्ने भारतीय नागरिक पक्राउ

६ मंसिर, काठमाडौं । भारु पाँच सय र एक हजार दरका नोट साटिदिन्छु भन्दै नेपालीहरुलाई लाखौं ठग्ने एक भारतीय नागरिक पक्राउ परेका छन् ।

पश्चिम बंगाल सितलकोची कोचबिहार घर भई हाल काठमाडौंको कलंकी बस्ने ४१ वर्षीय हरेकृष्ण साहलाई प्रहरीले पक्राउ गरेको हो ।

साहले भारतीय नोट सजिलै साटिदिन सक्छु भनि प्रलोभनमा पारी रौतहटको झुनखुनवा गाविस-७ घर भई हाल काठमाडौंमा बस्ने अब्दुल रहिमसँग ५० लाख रुपैयाँ ठगी गरेको प्रहरीले जनाएको छ ।

साहलाई पक्राउ गरी ठगी मुद्दामा आवश्यक अनुसन्धान एवं कारवाहीको लागि महानगरीय प्रहरी परिसर काठमाडौंमा पठाइएको छ ।