को–को आएथे जिन्दगीमा को–को गए जिन्दगीबाट, सम्झना छैन
कहिले आएथ्यो दरार हामीबीच कहिले छुट्टिएँ तिमीबाट, सम्झना छैन !
खै को होलान् ती अर्धमान्छे जो मसँगै दौडिएका थे मान्छे बन्न,
म आज पनि सम्झिन चाहान्छु तर हिजोकै मितिबाट सम्झना छैन !
रफ्तार बढाउनुअघि जिन्दगीको सम्झनू कोही कुरिबसेको छ,
मलाई आवाज दिने को थियो भञ्ज्याङको चौतारीबाट, सम्झना छैन !
आँखाको चमक, ओठको मुस्कान, गुमायो भन्ने हल्ला फिजाएछौ,
अपसोच, के पाएँ के गुमाएँ तिमीसँगको दुश्मनीबाट, सम्झना छैन !
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4