अरुण काबेलीको सेयर बाँटफाँट आज, सानामा गोलाप्रथा र ठूलालाई करीब २ प्रतिशत

५ पुस, काठमाडौं । अरुण काबेली पावर लिमिटेडले आज मंगलवार सेयर बाँडफाँट गर्ने भएको छ । ४३ गुणा (१२ अर्ब रुपैयाँ)को आवेदन परेको कम्पनीले साना लगानीकर्तालाई लटरी प्रथाबाट सेयर बाड्ने सम्भावना रहेको बुझिएको छ ।

स्रोतअनुसार कम्पनीले ५०देखि तीन सय ५० कित्तासम्म सेयर माग गर्नेलाई लटरी प्रथाबाट छनौंट गरेर सेयर बाँड्ने भएको छ ।

यसरी छनौट हुने लगानीकर्ताले १० कित्ता सेयर पाउने सम्भावना छ ।

त्यस्तै, तीन सय ५० देखि पाँच सय कित्तासम्म सेयरको लागि आवेदन दिनेले करीब साढे दुई प्रतिशतको दरमा सेयर पाउने छन् ।

अर्थात् पाँच सय कित्ता माग गर्नेले १३ कित्ता सेयर पाउने सम्भावना छ । यता पाँच सय कित्ताभन्दा बढी सेयर माग्ने ठुला लगानीकर्ताले समानुपातिक रुपमा करीब २ प्रतिशतको दरमा सेयर पाउने छन् । अर्थात् पाँच सय १० कित्ता माग्नेले १० कित्ता सेयर पाउने छन् ।

आज मध्यान्न करिब ३ बजेतिर सिद्धार्थ क्यापिटलमा सेयर बाँडफाँट हुने कार्यक्रम रहेको छ ।