१७ मंसिर, काठमाडौं । बेलायतको राजधानी लण्डनमा निकै उल्लासमय वातावरणमा नयाँ वर्ष २०१७ लाई स्वागत गरिएको छ । नयाँ वर्षको स्वागतमा लन्डनका सडकहरुमा आयोजित आतिशवाजी कार्यक्रममा १० लाख व्यक्तिहरु सहभागी भए ।
लन्डनका मेयरले थेम्स रिभरको किनारामा गरेको प्रदर्शनीका क्रममा १२ हजार वटा आतिशवाजीले रातको आकाशलाई रंगीन बनाएका थिए । त्यस अवसरमा सन् २०१६ मा संसारबाट विदा भएका केही स्टारहरुको सम्मानमा १२ मिनेट मौनधारण पनि गरियो । रातको ११:५० बाट सुरु भएको आतिशवाजी कार्यक्रम विविसीबाट प्रत्यक्ष प्रशारण गरिएको थियो ।
यस वर्षको नयाँ वर्ष काउन्टडाउनमा एक अतिरिक्त सेकेन्ड थपिएको थियो जून पृथ्वीको परिक्रमामा भएको ढिलाईको क्षतिपूर्तिस्वरुप ‘लिप सेकेन्ड’ को रुपमा थपिएको हो ।
विश्वका अन्य ठूला शहरहरुमा पनि नयाँ वर्षलाई आआफ्नै शैलीमा स्वागत गरिएको छ । अष्ट्रेलियाको सिड्नीमा इन्द्रधनुषको रंगले रातको आकाशलाई सजाइएको थियो । नयाँ वर्ष मनाउने क्रममा त्यहाँ विश्वव्यापी आतंकवादी हमलाहरुको निन्दा गरियो । अष्ट्रेलियाको सबैभन्दा ठूलो शहरमा अवस्थित सिड्नी हार्बर बि्रजमा आयोजित आतिशवाजी कार्यक्रममा १५ लाख जनताले भाग लिएका थिए । त्यसको २ घन्टापछि जापानमा नयाँ वर्षको स्वागत धुमधामले गरियो ।
राजधानी टोकियोका सडहरु हजारौं मानिसहरुले आकाशमा बेलुन उडाएर खुशीयाली मनाएका थिए । उत्तर कोरिया, दक्षिण कोरिया, रसिया हङकङ, मलेसिया, सिंगापुर र इन्डोनेसियामा पनि नयाँ वर्षको स्वागतमा सडक प्रदर्शनीहरु आयोजना गरिए ।
तस्वीरमा हेर्नुहोस विश्वका मूख्य शहरहरुमा गरिएको आतिसबाजीको दृश्य
प्रतिक्रिया 4