१७ पुस, काठमाडौं । प्रमुख प्रतिपक्ष नेकपा एमालेका अध्यक्ष केपी शर्मा ओलीले विदेशीको इशारामा चल्नेहरुले आफूहरुलाई हप्काउन थालेको बताएका छन् ।
सार्वभौमसत्ता र स्वतन्त्र देश हो, हाम्रो निर्णय हामी आफैंले गर्न पाउनुपर्छ भन्न सजिलो रहेको तर, पाइलै पिच्छे विदेशी हस्तक्षेप हुन थालेको उनले बताए ।
एमाले स्कुल विभागले ललितपुरमा गरेको कार्यक्रममा ओलीले भने, हस्तक्षेप किन सजिलोसँग भएको छ भने हामीले गरेको कसले मान्छ भन्दा -हात उठाउँदै) हामी मान्छौं भन्ने हृवारहृवार्ती छन् ।’
केही अघिसम्म विदेशीको इशारामा चल्ने, र त्युका राष्ट्रिय हितलाई तिलान्जली दिन हुने अवस्था भएपनि अहिले त्यस्ता हरुले आफूहरुलाई हप्काउन थालेको उनले बताए । जहाँ लाजसरम पनि छैन, त्यहाँ पुगिसक्यो भन्दै एमाले अध्यक्ष ओलीले भने, ए .. सक्छौ, के सोच्या, फुर्ती गरेर हुन्छ भनेर हामीलाई हप्काउँछन् ।
उनले राष्ट्रिय एकतालाई बलियो बनाएर देशलाई समृद्धिको दिशामा अघि बढाउन पार्टीका सबै नेता कार्यकर्ता लाग्नुपर्नेमा जोड दिए ।
