ट्रकको ठक्करबाट बृद्धको मृत्यु

१८ पुस, नवलपरासी । ट्रकको ठक्करबाट नवलपरासीमा एक बृद्धको मृत्यु भएको छ ।

नवलपरासीको कुडियाबाट बेलाटारी तर्फ आउँदै गरेको ना ३ ख ४७४८ नम्बरको ट्रकले फेनहरामा ६५ वर्षीय चन्दन पुरीलाई ठक्कर दिएको थियो ।

ट्रकको ठक्करबाट घाइते भएका पुरीको चितवन मेडिकल कलेज भरतपुरमा उपचारको क्रममा मृत्यु भएको हो ।

प्रहरी निरीक्षक महेश्वर उपाध्यायले गाडी र गाडी चालकलाई ईलाका प्रहरी कार्यालय बेलाटारीले नियन्त्रणमा लिएर अनुसन्धान गरिरहेको जानकारी दिए ।