ब्राजिलियन क्लब चापेकोइन्सले आगामी सिजनका लागि २० खेलाडी अनुवन्ध गरेको छ ।
नोभेम्बरमा कोपा सुडामेरिकाना कप खेल्न जाने क्रममा भएको विमान दुर्घटनामा क्लबका १९ खेलाडीसहित कोचिङ स्टाफको मृत्यु भएको थियो । यो घटनापछि क्लबलाई उपाधि दिइएको थियो भने एथ्लेटिको नेशनलाई फेयर प्ले अवार्ड प्रदान गरिएको थियो ।
क्लबका फुटबल डाइरेक्टर रुई कोस्टाले अनुवन्ध गरिएका मध्ये धेरै खेलाडी लोनमा रहेको बताए ।
सेन्टर क्याक नेटो र फुलब्याक एलन रुसेल भने विमान दुर्घटनामा बाँचेका छन् । उनीहरु खेलमा र्फकने आश रहेको कोस्टाले बताए । दुर्घटनामा बाँचेका गोलकिपर ज्याक्सन फोलमान भने खेलमा र्फकन सक्दैनन्, किनकी उनको खुट्टा काटिएको छ ।
तर, तीनै खेलाडीको जर्सी नम्बर नयाँ खेलाडीलाई दिइएको छैन ।
चापेकोइन्सले शुक्रबारदेखि प्रि सिजन ट्रेनिङ थाल्नेछ र, घरेलु लिगको पहिलो खेल जनवरी २६ मा होम ग्राउण्डमा जोइनभेलविरुद्ध खेल्नेछ ।
