२६ माघ, कैलाली । सम्बन्ध विच्छेद गर्नेहरुको संख्या बढ्दै गएपछि समाजशास्त्रीहरुले चिन्ता व्यक्त गर्न थालेका छन् ।
कैलाली जिल्लामा पछिल्लो समय सम्बन्ध विच्छेद गर्नेहरुको संख्या बढ्दै गएको र त्यसलाई रोक्न आवश्यक रहेको आवाजहरु आउन थालेका छन् ।
समाजशास्त्री तिलक बमले श्रीमान श्रीमती दुवै स्वरोजगार हुनु, एकले अर्काको अस्तित्व स्विकार नगर्नु र पितृ सतात्मक राज्यको प्रभावले पनि सम्बन्ध विच्छेदका घटना बृद्धि भएको हुन सक्ने प्रतिकृया दिए ।
कैलाली जिल्ला अदालतमा गत आर्थिक वर्षको पुस मसान्तसम्ममा सम्बन्ध विच्छेदका दर्ता हुन आएका ५४ मुद्दामा १९ मुद्दा फर्छ्यौट भएको श्रेस्तादार जगदिश प्रसाद भट्टले बताए । उनले सोही अवधिमा यो वर्ष ७१ मुद्दा दर्ता भएकोमा ३४ मुद्दा फर्छ्यौट भएको जानकारी दिए ।
उनले विवाह भएको २० वर्ष अवधि पुगेकादेखि नाति-नातिनासम्म भैसकेका उमेर समूहका व्यक्तिहरुको समेत सम्बन्ध विच्छेद भएको श्रेस्तेदार भट्टले बताए ।
प्रतिक्रिया 4