३ फागुन, कैलाली । भारतको उत्तरप्रदेशमा हुन लागेको विधानसभाको चुनावका क्रममा अवान्छित गतिविधि नियन्त्रणका लागी उत्तरप्रदेशसंग सीमा जोडिएका नेपाली सीमानाकाहरु शील गरिएका छन् ।
कैलालीको धनगढीस्थित मुख्यनाका गौरीफंटा, टीकापुरको खक्रौला, भजनीको तिकुनिया लगायतका नाकाहरु मंगलबार साँझ ५ बजेदेखि बुधबार साँझ ६ बजेसम्मका लागि शील गरिएका छन् ।
सीमा शील गर्ने सूचना समयमै नपाउँदा भारत जान हिडेका मजदूरहरु समस्यामा परेका छन् । भारतको नयाँ दिल्ली जान अछामको विनायकबाट धनगढी स्थित गौरीफंटा नाका पुगेका हरिलाल कुँवरले नाका शील गरिएको बारे कुनै जानकारी नपाएको बताए । उनले कुनै मिडिया अथवा साथीहरुले समेत नाकाबन्द भएको बारे नबताएको गुनासो गरे ।
कुँवर जस्तै थुप्रै युवाहरु भारत जानका लागि गौरीफांटा नाका पुगेका थिए तर उनीहरुलाई नाका शील गरिएको भन्दै भारतीय सीमा सुरक्षाबलका जवानहरुले फर्काइदिएका छन् ।
प्रतिक्रिया 4