पोलियो अभियानमा असहयोग गर्ने १८ स्वास्थ्यकर्मी निलम्बित

२२ फागुन, काठमाडौं । स्वास्थ्य मन्त्रालयले पोलियो थोपा अभियानमा असहयोग गर्ने १८ स्वास्थ्यकर्मी निलम्बिन गरेको छ ।

जिल्ला स्वास्थ्य कार्यालय सिरहाका प्रमुख डा. दयाशंकर लालसहित १८ जनालाई नेपाल स्वास्थ्य सेवा ऐन, २०५३ को दफा ७८ (३) बमोजिम र निजामती कर्मचारीको हकमा निजामती सेवा ऐन, २०४९ को दफा ६४ (३) बमोजिम निलम्बन गरिएको छ ।

साथै  विभागीय किन कारबाही नगर्ने भनेर स्पष्टिकरण सोधेको हो । उनीहरूलार्इ ३ दिनभित्र स्पष्टिकरण दिन भनिएको छ ।

हेल्थपोष्ट प्रमुख बनाउनु पर्ने माग गर्दै सिनियर अहेबहरुले स्वास्थ्य संस्थाहरुमा तालाबन्दी गरेको छ ।

र, कतिपय जिल्लाहरुमा पोलिथो थोपा अभियान नै अवरुद्ध पारेका छन् ।