कहिलेकहिं अचानक शरीरमा गम्भीर समस्या देखापर्न सक्छ । कुनैबेला दुर्घटनामा पर्न सकिन्छ । यसरी आकस्मिक रुपमा आइपर्ने स्वास्थ्य समस्यामा के गर्ने ?
अक्सर हामी हडबडाउँछौ । सही निर्णय लिन सक्दैनौ । यद्यपी ति अवस्थामा पनि संयम अपनाएर प्राथमिक उपचार गर्न सकियो भने संभावित खतराबाट उम्कन सकिन्छ ।
हृदयघात भएमा (दम)
प्राथमिक उपचार
– बिरामीलाई त्यही स्थानमा रहन दिनुपर्छ, जहाँ आरम महसुष गर्न सकोस् ।
– ध्यान राखौं कि ब्यक्ति वेहोस नहोस्, त्यसैले हावा चल्ने स्थानमा राख्नुपर्छ ।
– उसको धड्कन, उच्च रक्तचाप, चेतना अदिको बेलाबेला जाँच गरिरहनुपर्छ ।
– यदि उसलाई सास फेर्न गाह्रो भइरहेको छ भने कम्मरमा सिरानी राखेर उठाइदिनुपर्छ ।
– हृदयघात भएको तीन घण्टाअघि नै सही उपचार गराउनुपर्छ ।
अस्थमा आक्रमण
प्राथमिक उपचार
– विरामीलाई आरमदायक ढंगले कुर्सीमा बसाउने ।
– आसपासमा भिड नगर्ने, शान्त र खुला स्थानमा राख्ने ।
– उनीहरुसँग रिलिवर पफ हुनसक्छ, त्यसैले बिरामीलाई रिलिवर पफ प्रयोग गराउने ।
– यदि त्यसले कुनै सुधार देखिएन भने चिकित्सकलाई तुरुन्तै खबर गर्ने ।
बेहोस भएको अवस्थामा
प्राथमिक उपचार
– खुला हावा आउने स्थानमा लगेर सुताइदिनुपर्छ । खुट्टामा केहि सिरानी राखेर खुट्टाको भाग उठाइदिनु पर्छ ।
– हात खुट्टा चिसो भयो भने त्यसलाई तातो बनाउन मसाज गरिदिनुपर्छ ।
– झोलयुक्त खानेकुरा ख्वाउनुपर्छ । पानी, कागती पानी दिनुपर्छ ।
हातखुट्टा मर्किएमा वा हड्डी भाँचिएमा
प्राथमिक उपचार
– चोट लागेको स्थानमा कुनै सर्पोट बिना हल्लाउनु, चलाउनु हुँदैन, त्यहाँ कुनै खालको दबाव हुनुहुँदैन ।
– यदि हल्लाउनु वा चलाउनु परेको अवस्थामा चोट लागेको ठाँउमा कार्डबोर्ड, पत्रिकालाई फोल्ड गरेर राख्ने, सावधानीपूवर्क कपाडा बाँध्ने ।
– सुन्निएको कम गर्न वा दुखाई कम गर्नका लागि चेट भएको स्थानमा बरफ वा आइसक्युवले हल्का रगड्ने ।
– टाउको, गर्दन र कम्मरमा चोट लागेको छ भने हिँडडुल गर्नु हुँदैन ।
आगोले जलेमा
प्राथमिक उपचार
– यदि कपडामा आगो सल्कियो भने यताउता भाग्ने भन्दा जमिनमा रोल गरिहाल्नुपर्छ ।
– जलेको व्यक्तिलाई पानी हाल्ने होइन, बरु कम्बलले बेरेर आगो निभाउने प्रयास गर्नुपर्छ ।
– पीडितलाई सुरक्षित स्थानमा लगेर तुरुन्तै कपडा बदलिदिने ।
– जलेको भागमा बरफ लगाउने गल्ती नगरौ, बरु चिसो पानी हाल्नुपर्छ ।
– सुन्निएको र पोलेको कम गर्न घिउकुमारीको लोशन लगाउने ।
सडक दुर्घटनामा
प्राथमिक उपचार
– रगत धेरै बग्नबाट रोक्नका लागि चोट लागेको भागमा दबाएर राख्ने वा सफा कपडाले बाँध्ने ।
– सडक दुर्घटनाको क्रममा व्यक्तिको मेरुदण्डको हड्डी भाचियो वा टाउकोमा चोट लाग्यो भने धेरै यताउता हल्लाउनु हुँदैन ।
– दुर्घटनाग्रस्त व्यक्तिको हातखुट्टा चिसो हुनसक्छ । त्यसैले उसको हातखुट्टा मसाज गरिदिनुपर्छ ।
– सकेसम्म चाडै चिकित्सककाहाँ पुर्याउने व्यवस्था गर्नुपर्छ ।
प्रतिक्रिया 4