६ अप्रील, काठमाडौं । पर्यटन प्रबर्धनका लागि एनआरएनएले ‘नमस्ते अभियान’ सञ्चालन गर्ने भएकाे छ ।
गैरआवासीय नेपाली संघ अन्तरगतको नेपाल पर्यटन प्रबर्द्धन समिति र निजी क्षेत्रका पर्यटन सम्बन्धी संघ, संस्थाहरुको आयोजनामा यही अप्रील ९ तारिखमा काठमाडौं र अन्य मुख्य पर्यटकीय शहरहरुमा यो अभियान सञ्चालन गर्न लागेको हो ।
नेपालको अर्थतन्त्रमा पर्यटन महत्वपूर्ण आधार भएकोले यसको प्रबर्द्धन गर्ने उद्देश्यले यो अभियान सञ्चालन गर्न लागिएको गैरआवासीय नेपाली संघ अन्तर्गतको नेपाल पर्यटन प्रबर्द्धन समितिका अध्यक्ष भवन भट्टले जानकारी दिए ।
मुख्य गरी यो अभियानबाट सरोकारवालाहरुलाई पर्यटन व्यवसायमा प्रेरित गर्दै मौलिक सभ्यता तथा संस्कृतिहरुका बारेमा पर्यटकहरु जानकारी गराउन प्रेरिरित गर्ने रहेको उनले बताए ।
साथै पर्यटकहरुप्रति गरिने व्यबहार परिवर्तनमा समेत अभियानले सहयोग पुर्याउने लक्ष्य राखिएको उनको भनाई छ ।
‘अतिथि देवोभव’ भन्ने नारासहित काठमाडौं, पोखरा, चितवन र लुम्बिनिमा एकै दिने हुन लागेको अभियानका बारेमा अप्रील ८ मा बृष्तृत जानकारी दिइने अध्यक्ष भट्टले विज्ञप्ति मार्फत जानकारी दिएकाछन् ।
प्रतिक्रिया 4