डुअल सेल्फी क्यामेरासहित ओप्पो एफथ्री प्लसः यी हुन् रोचक नयाँ फिचर

विश्वभर उत्कृष्ट सेल्फी तथा अत्याधुनिक प्रविधि सुसज्जित फोन पस्किँदै लोकपि्रयता पाइरहेको ओप्पोले केही समय अगाडी मात्रै नयाँ सेल्फी एक्स्पर्ट सार्वजनिक गरेको छ । ओप्पोले आफ्ना सेल्फी पारखी उपभोक्ताहरुका लागि कम्पनी कै पहिलो डुअल सेल्फी क्यामेरा सहितको ओप्पो एफथ्री प्लस क्यामेरा फोन सार्वजनिक गरेको हो ।

फ्रण्ट डुअल सेल्फी क्यामेराका कारण निकै चर्चा पाइरहेको यो फोनको विशेषता उत्कृष्ट क्यामेरामा मात्रै सिमित भने छैन । यसमा सम्मिलित नौला तथा अत्याधुनिक प्रविधिले यसलाई थप विशेष बनाइदिएको छ । फोनको निर्माण गुणस्तर र उत्कृष्ट क्यामेराले उपभोक्ता तथा आलोचकको समेत वाहवाही बटुल्न सफल भएको छ ।

आकर्षक स्टाइलिङ, पि्रमियम डिजाइन सहितको यूवा लक्षित यो फोन अहिले बजारमा निकै सफल प्रमाणित भइरहेको छ । हरेक उत्पादनमा नवप्रबर्तन र उपभोक्ताको मागलाई विशेष चासो दिएर निर्मित फोन कम्पनीको सफलताको प्रमुख कारण हो । यसको बजार मूल्य रु. ५४ हजार ९ सय ९० तोकिएको छ ।

क्यामेरा

ओप्पो एफथ्री प्लसमा उपलब्ध गरिएको नवप्रबर्तनात्मक डुअल सेल्फी फ्रन्ट क्यामेराले उत्कृष्ट तथा गुणस्तरिय सेल्फी लिन सघाउँछ । एफथ्री प्लसमा सेल्फीका लागि १६ मेगा पिक्सेल क्षमता सहितको क्यामेराका साथै गु्रप सेल्फीका लागि १ सय २० डिग्री वाइड एङ्गल लेन्स उपलब्ध छ । कम्पनीले फोनमा उपलब्ध गराएको रियर क्यामेरा सोनीसँगको सहकार्यमा विकास गरेको हो । यसमा उपलब्ध गरिएको कस्टमाइज्ड आईएमएक्स३९८ सेन्सर ‘सिरियस’ फोटोग्राफी लक्षित छ ।

कम्पनीका अनुसार एफथ्री प्लस उत्कृष्ट कार्यक्षमता, आकर्षक, सुरक्षित, टिकाउ तथा उपभोक्ताको मागलाई विशेष ध्यानमा राखि विकसित स्मार्टफोन हो । फोनमा कम्पनीले १/३ ईन्च सेन्सर उपलब्ध गराएको छ । यसले तस्विर खिच्दा पर्याप्त प्रकाशको ब्यवस्था गर्दै उत्कृष्ट फोटो खिच्न सघाउँछ । फोनमा रहेको क्यामेरामा उत्कृष्ट डेप्थ अफ फिल्ड इफेक्टका लागि एफ/२.० एपर्चर उपलब्ध गरिएको छ । यसले विषयलाई फोकसमा पारी पृष्ठभूमीलाई आवश्यक मात्रामा धमिलो बनाउने गर्छ ।

ग्रुप सेल्फी लक्षित विशेष क्यामेरा

गु्रप सेल्फीका लागि एफथ्री प्लसमा ८ मेगा पिक्सेल क्षमताको १ सय २० डिग्री वाइड एङ्गल सहितको विशेष क्यामेरा उपलब्ध गरिएको छ । कम्पनीका अनुुसार यो क्यामेराले साधारण ८० डिग्री लेन्स फिल्ड अफ भ्यू भएका क्यामेराका तुलनामा १ सय ५ प्रतिशत बढी क्षेत्र समेट्न सक्छ । यसले गर्दा तस्विरमा बढी मानिस सजिलै समेटिन सकिन्छ । फोनमा उपलब्ध गरिएको ६पी लेन्सले यी तस्विर अझ उत्कृष्ट बनाउन सघाव पुर्‍याउँछ ।

फोनमा ब्यूल्ट इन स्मार्ट फेसियल रेकग्निसन फिचरपनि उपलब्ध गरिएको छ । यसले प्रयोगकर्तालाई तीन भन्दा बढी मानिस प|mेममा देखिँदा गु्रप सेल्फी मोडको प्रयोग गर्न सुझाउँछ ।

उत्तिकै उत्कृष्ट रियर क्यामेरा

कम्पनीले आफ्नो अवधारणा अनुरुप एफथ्री प्लसमा पनि फ्रन्ट क्यामेरालाई विशेष महत्वका साथ प्रस्तुत गरेको छ । तर, फोनमा रहेको रियर क्यामेरापनि उत्तिकै उत्कृष्ट छ । १६ मेगा पिक्सेल क्षमता सहितको यो क्यामेराले तिब्र गतिमा फोकस गर्नुका साथै न्वाइज रिडक्शन तथा कम प्रकाशमा समेत उत्कृष्ट प्रदर्शनी दिन्छ । यो क्यामेरामा डुअल पीडीएएफ प्रविधि उपलब्ध गरिएको छ । एफ/१.७ एपर्चर सहितको यो क्यामेराले कम प्रकाश भएका स्थानमा समेत गुणस्तरिय तस्विर खिच्न सघाउँछ ।

ब्याट्री

प्रयोगकर्ताले फोन चलाउँदा ब्याट्रीका कारण समस्या भोग्न नपरोस् भन्ने तिरपनि कम्पनीले विशेष ध्यान दिएको छ । फोनको उपयोग निरन्तर लामो समयसम्म गर्न सकियोस् भन्ने सोचका साथ यसमा ४ हजार एमएएच क्षमताको ब्याट्री जडान गरिएको छ । यसले २ सय ८४ घण्टाको स्ट्याण्डबाई टाइम दिने कम्पनीले जानकारी दिएको छ ।

कम्पनी चार्जिङका लागि लाग्ने समयको न्यूनिकरणका लागि पनि विशेष प्रविधि उपलब्ध गराएको छ । यसका लागि फोनमा भीओओसी फ्ल्यास चार्जिङ प्रविधि उपलब्ध गरिएको छ । यसले गर्दा फोनमा जडान गरिएको ब्याट्री साधारण ब्याट्रीका तुलनामा ४ गुणा चाँडै चार्ज हुन्छ । कम्पनीका अनुसार प्रयोगकर्ताले मात्र ५ मिनेट ब्याट्री चार्ज गरी २ घण्टा सम्मको टक टाइम पाउन सक्छन् ।

सञ्चय क्षमता

ओप्पो एफथ्री प्लसमा कम्पनीले ४ जीबी र्‍याम र ६४ जीबी रोम उपलब्ध गराएको छ । यसले गर्दा उपभोक्ताले स्पेस अपुग हुने समस्याको चिन्ता विना आफूलाई मनपर्ने एप्स ईन्ष्टल गरी विना कुनै समस्या मज्जाले चलाउने अवसर पाउँछन् । साथै, फोनमा ओक्टा कोर प्रोशेसर उपलब्ध छ । यसले फोनको अपरेशन स्मूथ बनाउने कार्यमा उल्लेख्य भुमिका खेल्छ । उपभोक्तालाई अतिरिक्त सञ्चय क्षमताको आवश्यकता परेमा माइक्रो एसडी कार्डको माध्यमबाट २ सय ५६ जीबी सम्म बढाउन सक्ने विकल्पपनि कम्पनीले फोनमा उपलब्ध गराएको छ ।

अन्य विशेषता

ओप्पोको ओप्टिमाइज्ड कलर ओएस ३.० प्रणालीले कम शक्ति खपतबाटै तिब्र गति र उत्कृष्ट कार्यक्षमता प्रदर्शन गर्छ । साथै फोनको सुरक्षार्थ यसमा ब्यूल्ट इन प्राइभेसी प्रोटेक्शन फिचर र आभास्टमा आधारित भाइरस स्क्यानरपनि उपलब्ध गरिएको छ । फोनमा कम्पनीलेे बजारकै तिब्र लाइटनिङ फास्ट टच एक्सेस उपलब्ध गराएको छ । साथै, मात्र ०.२ सेकेण्डमा अनलक हुन होम बटन फिङ्गर प्रिन्ट रिडर पनि फोनमा जडान गरिएको छ ।

मेटल यूनिबडी डिजाइन रहेको यो फोन बोक्नपनि निकै आरामदायी छ । ६ ईञ्च, २.५ कोर्निङ गोरिल्ला ग्लास फाइभमा कम्पनीले पि्र एप्लाइड स्त्रिmन कोटिङपनि उपलब्ध गराएको छ । यसले फोनलाई पि्रमियम लुक्स दिनुका साथै थप आकर्षक र सुरक्षित समेत बनाएको छ ।