१९ अप्रील, युएई । भोजपुर सेवा समाज, युएईले नयाँ वर्ष ०७४ को अवसरमा वनभोज कार्यक्रम गरेको छ ।
युएईमा कार्यरत भोजपुरवासीबीच आपसी सम्बन्ध थप दरिलो बनाउने उद्देश्यले समाजले दुबईको जाबिल पार्कमा वनभोज कार्यक्रम गरेको हो । वैशाख १ गते गरिएको वनभोज कार्यक्रममा भोजपुरबाट युएई आएकाहरुको उल्लेख्य उपस्थिति थियो ।
विभिन्न सांस्कृतिक प्रस्तुतिसमेत राखिएको कार्यक्रममा भोजपुरेहरुले नयाँ वर्षको शुभकामना साटासाट गरे ।
स्थानीय कलाकारहरु नन्दु राई, मोडल राजेश पाण्डे, संगीता चापागाईं, यादुकला राई, सन्चिता बोहोरा, मंगल आलेलगायतको सांस्कृतिक प्रस्तुतिले कार्यक्रमलाई थप रोमाञ्चक बनाएको थियो ।
आपसी सहयोग र सहकार्य गर्दै युएईमा आपतविपतमा परेका भोजपुरवासीहरुको उद्दार तथा सहयोगमा समर्पित समाजले भोजपुरको सामाजिक, आर्थिक, शैक्षिक, पर्यटनलगायत क्षेत्रको विकासनिर्माण कार्यमा समेत सहयोगी भूमिका खेल्दै आइरहेको छ ।
प्रतिक्रिया 4