१९ जेठ, काठमाडौं । विपक्षी दलहरुको विरोधका बीच सूचना टाँसेर प्रधानमन्त्री निर्वाचनको प्रक्रिया सुरु गरिने भएको छ ।
२१ गते प्रधानमन्त्रीको निर्वाचन गर्ने गरी सूचना टाँसिने सभामुख ओनसरी घर्तीमगरले जानकारी दिइन् ।
सहमतिको प्रयासमा विहान कार्यव्यवस्था परामर्श समितिको र दिउँसो तीन दलको बैठक बोलाइएको थियो । तर, सत्तापक्ष र विपक्षी दलहरुबीच सहमति हुन सकेन ।
सत्तारुढ दलहरुले राष्ट्रपतिले बहुमतीय सरकार गठनका लागि आहृवान गरिसकेकाले प्रक्रिया अघि बढाउन सुझाव दिए । एमालेले संसद अवरोध जारी राखे सूचना टाँसेर भएपनि प्रधानमन्त्री निर्वाचन प्रक्रिया सुरु गर्नुपर्ने उनीहरुले बताए ।
तर, एमाले नेताहरुले भने संसदबाटै निर्वाचन प्रक्रिया अघि बढाउनु पर्ने मत राखेका छन् ।
भरतपुरमा मतगणना सुरु गर्न माग गर्दै एमालेले संसद बैठक अवरुद्ध पार्दै आएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4