२२ जेठ, काठमाडौं । वर्षाले प्रधावित खेलमा डकवर्थ लेविस नियमका आधारमा एपिएफलाई हराउँदै नेपाल पुलिस क्लव प्रधानमन्त्री कप एकदिवशीय क्रिकेटको फाइनलमा प्रबेश गरेको छ ।
कीर्तिपुर मैदानमा टस हारेर ब्याटिङको निम्तो पाएको पुलिसले निर्धारित ओभरमा ९ विकेट गुमाएर २५२ रन जोडेको थियो । सुरुवाती जोडी सुनिल धमला र अमित श्रेष्ठले ६७ रनको साझेदारी गर्दै पुलिसलाई राम्रो सुरुवात दिएका थिए । यस्तै सुनिल र अमितले समान २६-२६ रन बनाए ।
९७ रन बनाउँदा तीन विकेट गुमाएको पुलिसका लागि कुशल भुर्तेलले ५२ तथा सिद्धान्त लोहनीले ४० रनको योगदान गरे । यस्तै दिपेन्ऽसिंह ऐरीले ३७ रन बनाउदा मञ्जित श्रेष्ठले २२ रन थपे । पुलिसले २२ अतिरीक्त रन पाएको थियो ।
बलिङ तर्फ एपिएफका अनील शाहले तीन तथा कप्तान ज्ञानेन्ऽ मल्ल र अरुण ऐरीले समान दुई दुई विकेट लिए ।
जवाफमा मध्यम सुरुवात गरेको एपिएफको स्कोर २८.३ ओभरमा ६ विकेट गुमाएर १३८ रन बनाउँदा खेल वर्षाले रोकियो ।
३४ रन हुँदा पहिलो विकेट गुमाएको एपिएफले ६४ रन हुँदा दोस्रो विकेट खेर फालेको थियो । त्यसपछि थप १२ रन जोड्दा उसले अर्को विकेट गुमायो ।
एपिएफका लागि सन्दीप सुनारले ३६ तथा कप्तान ज्ञानेन्ऽ मल्लले ४५ रन बनाए । यस्तै पृथु बास्कोटाले १९ र सुवास खकुरेलले १७ रन जोडे ।
निरन्तरको वर्षाका कारण अम्पायरले डकवर्थ लेविस नियमका आधारमा खेल २८ ओभरमा झारे र एपिएफलाई १७३ रनको नयाँ लक्ष्य दिए ।
तर एपिएफले त्यति ओभरमा एक सय ३८ रनमात्र बनाएकाले पुलिस ३४ रनले विजयी भयो । पानीले एपिएफलाई ठूलो घाटा बनायो । उपाधिका लागि पुलिसले आर्मी र पश्चिमाञ्चलबीचको विजेतासँग खेल्नेछ । दोस्रो सेमिफाइनल खेल मंगलबार हुनेछ ।
