२३ साउन, ओखलढुंगा । ओखलढुंगाको सदरमुकामको सामुदायिक अस्पतालमा संचालित ब्लड बैंकलाई ओखलढुंगा जिल्ला समाज युकेले मेडिकल फ्रिज हस्तान्तरण गरेको छ ।
अस्पतालका निर्देशक टुकबहादुर श्रीमललाई समाजका प्रतिनिधि तथा एनआएन युकेका सल्लाहकार शिवजी श्रेष्ठले फ्रिजको साँचो हस्तान्तरण गरेका हुन् ।
समाजले २ लाख ६० हजार मूल्य बराबरको फ्रिज हस्तान्तरण गरेपछि रगत संचित गरेर आवश्यकताअनुसार विरामीको उपचारमा उपयोग गर्न सकिने अस्पतालका प्रशासन प्रमुख बुद्ध श्रेष्ठले बताए ।
नेपाल रेडक्रस सोसाइटी जिल्ला शाखा ओखलढुंगाले स्थापना गरेको ब्लड बैंकमा साधारण फ्रिजमा ब्लड स्टोर गर्ने गरिएको थियो ।
९० पिन्ट रगत स्टोर क्षमता भएको फ्रिजमा ३० दिनसम्म रगत सुरक्षित राख्न सकिने अस्पतालले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4