१० भदौ,वीरगन्ज । प्रदेश नम्बर २ मा असोज २ गते हुने स्थानीय तह निर्वाचनको रणनीति बनाउन एमालेका शीर्ष नेता वीरगञ्जमा जम्मा भएका छन् ।
कार्यवाहक अध्यक्ष बामदेव गौतम र बरिष्ठ नेता माधवकुमार नेपालसहितका नेताहरु सम्मिलित रणनीतिक बैठक वीरगन्जमा सुरु भएको छ ।
२ नम्बर प्रदेशको चुनावलाई लक्षित गरेर एमालेले शीर्ष नेताहरुको उपस्थितिमा अगुवा नेता कार्यकर्ताको बैठक राखेको हो । बैठकमा गौतम र नेपालका साथै उपमहासचिव बिष्णु पौडेल, स्थायी कमिटी सदस्य शंकर पोखरेल, प्रदेश न २ का संयोजक सत्यनारायण मण्डल, उप-सयोजक नागेन्ऽ चौधरी, राजेन्ऽ पाण्डे, रघुवीर महासेठ लगायतका नेताहरु सहभागी छन् ।
बैठकले उम्मेदवारको टुंगो लागेका स्थानीय तहमा नामावलीलाई अन्तिम रुप दिने र टुंगो नलागेको स्थानीय तहमा उम्मेदवार तय गरिनेछ ।
धनुषा, महोत्तरी, सर्लाही र रौतहटका केही स्थानीय तहको उम्मेदवारीमा विवाद देखिएको छ । यो बैठकले ती विवाद पनि हल गर्ने नेताहरुले बताए ।
