२५ भदौ, बारा । नेकपा एमाले बारा जिल्ला कमिटीले गृहमन्त्री जनार्दन शर्माले निर्वाचन आचारसंहिता विपरित गतिबिधि गरेको भन्दै आपत्ति जनाएको छ ।
गृहमन्त्री शर्माले सरकारी साधन स्रोत दुरुपयोग गर्दै माओवादी उम्मेदवारको घरदैलो कार्यकक्रममा सहभागी भएको एमालेको आरोप छ ।
गृहमन्त्री शर्मा आइतबार चुनावी अभियानका क्रममा जितपुर सिमहरा उपमहानगरपालिका बिभिन्न वडामा सहभागी छन् । उनले वडा नम्बर १८ को उचिडीमा आयोजित माओवादीको चुनावी सभालाई समेत सम्बोधन गरेका छन् ।
एमाले जिल्ला प्रचार विभाग प्रमुख मनोज पौडेलले विज्ञप्ति जारी गरी एउटा उमेदवारको पक्षमा राज्य शक्तिको दुरुपयोग गर्दै गृहमन्त्रीले आचारसंहिता उल्लंघन गरेको आरोप लगाए ।
माओवादीका उम्मेदवार राजन पौडेलले भने गृहमन्त्री शर्मा माओवादी नेताको हैसियतमा आफ्नो चुनावी अभियानमा सहभागी भएको प्रतिक्रिया दिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4