१ असोज, झापा । झापामा आइतबार मोटरसाइकलले ठक्कर दिदा एक जना पैदलयात्रुको मृत्यु भएको छ ।
मृत्यु हुनेमा कनकाई नगरपालिका-३, सुरुङ्गाका ७० वर्षीय रिपुकर्ण भट्टराई छन् ।
कनकाई-३ मा रहेको सुरुङ्गा पुल नजिकै पश्चिमबाट पूर्वतर्फ जाँदै गरेको को ४ प ९५२६ नम्बरको मोटरसाइकलले भट्टराईलाई ठक्कर दिएको थियो ।
ठक्करबाट गम्भीर घाइते भएका उनको बिर्तामोडस्थित वीएण्डसी हस्पिटलमा उपचारका क्रममा मृत्यु भएको जिल्ला प्रहरी कार्यालय, झापाले जनाएको छ ।
दुर्घटनाबाट मोटरसाइकल चालक झापा गोलधाप-३ का ३० वर्षीय विजय रुसाल र पछाडि सवार २६ वर्षीया जशोधा भुसाल घाइते भएका छन् ।
घाइते दुवैको विर्ता सिटी अस्पताल, बिर्तामोडमा उपचार भइरहेको प्रहरीले जनाएको छ ।
