सवारी दुर्घटनामा परी साउदीमा एक नेपालीको मृत्यु

२२ असोज, काठमाडौं । सवारी दुर्घटनामा परेर साउदी अरबमा पाँचथरको मिक्लाजुङ गाउँपालिका वडा नं २ का २७ वर्षीय टीकाराम लाम्गादेको मृत्यु भएको छ ।

शनिबार सामान किन्न गएका उनको मोटरसाइकलको ठक्करबाट ज्यान गएको हो ।

उनको शव नेपाल ल्याउन सहयोग गर्न परिवारले सम्बन्धित निकायलाई आग्रह गरेका छन् । दुई वर्षअघि साउदी पुगेका उनका दुई श्रीमती र तीन छोरी छन् ।