मालपोत कार्यालय सर्लाहीका नायव सुब्बा घुससहित अख्तियारको नियन्त्रणमा

१४ कात्तिक, महोत्तरी । सेवाग्राहीसँग घुस लिँदै गरेको अवस्थामा मालपोत कार्यालय हरिवनका नायब सुव्वालाई अख्तियारको टोलीले पक्राउ गरेको छ ।

बर्दिवासस्थित अख्तियारको सम्पर्क कार्यालयले घुस लिँदै गरेका नासु ईश्वरीप्रसाद दाहाललाई घुस रकम सहित पक्राउ गरेको हो ।

मालपोत कार्यालय हरिवनमा कार्यरत नायव सुब्बा दाहालले सेवाग्राहीसँग बाटोको रजिस्ट्रेसन पास गरिदिने भन्दै ५ हजार घुस मागेको र घुस रकमसहित पक्राउ गरिएको अख्तियार दुरुपयोग अनुसन्धान आयोगको बर्दिवासस्थित सम्पर्क कार्यालय बर्दिबासले जनाएको छ ।

पक्राउ गरिएको दाहाललाई बर्दिवासमा राखेर बयान लिने काम भइरहेको कार्यालयले जनाएको छ ।