३ मंसिर, भैरहवा । रुपन्देही निर्वाचन क्षेत्र नं. ५ बाट प्रतिनिधिसभाका उम्मेदवार कांग्रेस नेता भरतकुमार साहले भगवान गौतम बुद्धको जन्मस्थल लुम्बिनीलाई स्मार्ट शहरका रुपमा विकास गर्ने आफ्नो योजना रहेको बताएका छन् ।
मायादेवी गाउँपालिकाको धमौलीमा पार्टी प्रवेश तथा कार्यकर्ता भेटघाट कार्यक्रमलाई सम्बोधन गर्दै उनले लुम्बिनीको विकास भए स्वतः यस क्षेत्रको विकास हुने भन्दै आफू निर्वाचित भएपछि आफ्नो ध्यान लुम्विनीको विकासमा जाने बताए ।
पूर्व राज्यमन्त्रीसमेत रहेका उनले भने, ‘विश्वका बुद्धिष्टहरुको केन्द्र लुम्बिनीलाई धार्मिक, ऐतिहासिक, पर्यटकीय दृष्टिकोणले विकास गर्दै लैजान सके जिल्लाको नै विकास हुन्छ ।’
उनले क्षेत्र नं. ५ नेपालकै सम्भावनायुक्त क्षेत्र भएको बताउँदै यहाँको कृषि क्षेत्रको विकासका लागि बाटो, पुल, कल्भर्ट र सिंचाईका लागि आफूले कार्य गरेरै छाड्ने दाबी गरे ।
प्रतिक्रिया 4