१६ माघ, काठमाडौं । शहीद दिवसको दिन मंगलबार विहानै बानेश्वरमा फरक दृश्य देखियो । कांग्रेस नेताहरु सडक छेउमा लहरै बसेर जुत्ता पालिस गरिरहेका थिए ।
चन्द्र भण्डारी, धनराज गुरुङ लगायतका नेताहरुले पैदलयात्रुको जुत्तामा पालिस गरे । कृष्णप्रसाद भट्टराई प्रतिष्ठानले सहिद दिवसको अवसर पारेर यो प्रतिकात्मक कार्यक्रम गरेको हो ।
‘नेपालको राजनीति फोहोर भएको छ । जुत्ता पालिस गरे झै राजनीति पनि शुद्धीकरण गर्नुपर्छ भन्ने हाम्रो अभियान हो’ कांग्रेस नेता धनराज गुरुङले अनलाइनखबरसँग भने ।
