1. ताजा अपडेट
Comments Add Comment
ओम प्रकाश शांडिल्य
२०७४ फागुन २० गते २१:२७
पाकिस्तानी कर्नल नेपाल सरकारलाई जानकारी नदिई नेपालमा भारतीयहरु संग कुन उद्देश्यले भेटघाट गर्न आएको थियो? हामीले अब्बासी संग सोधनु पर्छ. पाकिस्तानले नेपालको भूमि प्रयोग गरेर भारत विरुद्ध आतंकी आक्रमण गर्दै आएको छ जसको कारण हाम्रो सम्बन्धमा खलल पर्दै आएको छ. पाकिस्तानलाई यसो नगर्ने चेतावनी दिनु पर्दछ.#%#
ओम प्रकाश शांडिल्य
२०७४ फागुन २० गते २१:२१
पाकिस्तानी कर्नल नेपाल सरकारलाई जानकारी नदिई नेपालमा भारतीयहरु संग कुन उद्देश्यले भेटघाट गर्न आएको थियो? हामीले अब्बासी संग सोधनु पर्छ. पाकिस्तानले नेपालको भूमि प्रयोग गरेर भारत विरुद्ध आतंकी आक्रमण गर्दै आएको छ जसको कारण हाम्रो सम्बन्धमा खलल पर्दै आएको छ. पाकिस्तानलाई यसो नगर्ने चेतावनी दिनु पर्दछ.#
ओम प्रकाश शांडिल्य
२०७४ फागुन २० गते २१:१८
पाकिस्तानी कर्नल नेपाल सरकारलाई जानकारी नदिई नेपालमा भारतीयहरु संग कुन उद्देश्यले भेटघाट गर्न आएको थियो? हामीले अब्बासी संग सोधनु पर्छ. पाकिस्तानले नेपालको भूमि प्रयोग गरेर भारत विरुद्ध आतंकी आक्रमण गर्दै आएको छ जसको कारण हाम्रो सम्बन्धमा खलल पर्दै आएको छ. पाकिस्तानलाई यसो नगर्ने चेतावनी दिनु पर्दछ.

पाकिस्तानी प्रधानमन्त्रीको सम्भावित प्रश्न : नेपालबाट बेपत्ता पूर्वकर्णेल खोई ?

भारतीय खुफिया एजेन्सीले अपहरण गरेको पाकिस्तानको आरोप


२० फागुन, काठमाडौं । पाकिस्तानी प्रधानमन्त्री शाहिद खकान अब्बासी सोमबार दुईदिने नेपाल भ्रमणमा आउँदैछन् ।

नेपालका नवनियुक्त प्रधानमन्त्री केपी शर्मा ओलीलाई बधाइ दिन आउने भनिएका उनले भारतसँग जोडिएको एउटा संवेदनशील सुरक्षासम्बन्धी प्रश्नसमेत नेपाल सरकारलाई सोध्ने अनुमान गरिएको छ ।

पाकिस्तानले नेपाललाई सोध्न लागेको प्रश्न हो- गतवर्ष नेपालबाट बेपत्ता बनाइएका एक रिटायर्ड पाकिस्तानी पूर्वकर्डेलको खोजी ।

नेपाली भूमि प्रयोग गर्दै भारतीय खुफिया एजेन्सी ‘रअ’ ले रिटायर्ड लेफ्टीनेन्ट कर्णेल मोहम्मद हबिबलाई गत अपि्रल ६ मा अपहरण गरेको पाकिस्तान सरकारको आरोप छ ।

रिटायर्ड पाकिस्तानी लेफ्टीनेन्ट कर्णेल मोहम्मद हबीब गत अपि्रल ६ मा लुम्बिनीबाट बेपत्ता भएका हुन् । कर्णेल हबिबको परिवारले उनी बेपत्ता भएको विषयमा नेपालस्थित परराष्ट्र मन्त्रालयमा उजुरी गरे पनि अहिलेसम्म उनको पत्तो लागेको छैन ।

कसरी आइपुगे नेपाल ?

सन् २०१४ को अक्टोबरमा रिटायर्ड भएका हबिब पछिल्लो समय एउटा निजी कम्पनीमा काम गरिरहेका थिए । अर्को रोजगारीको खोजीमा उनले आफ्नो सीभी अनलाइनमा पोष्ट गरेका थिए । त्यसपछि उनलाई आकर्षक युएनको जागिरको लोभ देखाएर पाकिस्तानबाट नेपाल बोलाइयो ।

नेपालबाट मार्क थोम्पसोनका नाममा कसैले उनलाई इमेल र टेलिफोनबाट सम्पर्क गर्‍यो र आकर्षक जागिरको लोभ देखाउँदै नेपाल बोलायो । उनलाई नेपालसम्मको हवाई टिकट र होटलको बुकिङसमेत उपलब्ध गराइएको थियो ।

लगत्तै हबिब नेपाल आए । काठमाडौं आएर उनी बुद्ध एयरको विमानबाट भैरहवा प्रस्थान गरे ।

काठमाडौंमा उनलाई रिसिभ गर्न आएका जाभेद अन्सारीले नेपालको सिमसमेत उपलब्ध गराएको खुलेको थियो । सोही सिमबाट उनले पाकिस्तानमा आफ्नो परिवारलाई गन्तव्यमा आइपुगेको भनेर सन्देश पठाएका थिए ।

अनुसन्धानले देखाएअनुसार उनलाई बेलायतको नम्बरबाट फोन गरिएको थियो, जुन नक्कली थियो । इमेल र त्यससँग सम्वद्ध डोमेन भने भारतमा दर्ता भएको देखिएको छ । त्यसैले यो अपहरणमा भारतीय खुफिया एजेन्सी ‘रअ’ को हात रहेको पाकिस्तानी अधिकारीहरुले दाबी गर्दै आएका छन् ।

यो अपहरणमा जोडिएका तीन भारतीय नागरिकको नाम पनि बाहिर आएको अन्तरराष्ट्रिय मिडियाहरुले लेखेका छन् । ती भारतीयहरु जाहिरको हवाई टिकट बुकिङ गर्ने, होटल बुकिङ गर्ने र एयरपोर्टमा उनलाई रिसिभ गर्ने काममा संलग्न रहेको बताइएको छ ।

विभिन्न सञ्चार माध्यमका अनुसार सफल चौधरी नाम गरेका भारतीयले जाहिरका लागि काठमाडौंबाट हवाई टिकट खरिद गरेका थिए । सबु रजोरा नाम गरेकी भारतीय महिलाले उनका लागि काठमाडौंमा होटेल बुक गरेकी थिइन् ।

आफ्ना नागरिकको अपहरणबारे खोजविनका लागि नेपालस्थित पाकिस्तानी दूतावासले समेत प्रयास गरिरहेका बेला पाकिस्तानी प्रधानमन्त्री नेपाल आउन लागेका हुन् ।

पूर्व कर्णेलको अपहरणको यो विषयले पाकिस्तानी संसदमा समेत प्रवेश पाइसकेको हुनाले पाकिस्तानी प्रधानमन्त्री अब्बासीले यसबारे नेपालका प्रधानमन्त्रीसँग गुनासो राख्न सक्ने अनमान गरिएको छ ।

यसका साथै पाकिस्तानी प्रधानमन्त्रीले अहिलेसम्म अगाडि बढ्न नसकेको सार्क शिखर सम्मेलनको गाँठो फुकाउने विषयमा पनि नेपालका प्रधानमन्त्रीसँग छलफल गर्नु भ्रमणको उद्देश्य रहेको प्रधानमन्त्री कार्यालय स्रोतको भनाइ छ ।

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

ट्रेन्डिङ

Advertisment