इटालीमा फहरायो नेपाली झण्डा

इटाली/ इटालीको ट्रेण्टो प्रदेशको रोभेरेटो सहरमा भएको एक विशेष कार्यक्रममा नेपाली झण्डा फहराइएको छ ।

इटालीका लागि गैरआवासीय राजदूत दीपक धितालले पिस वेल फाउण्डेशनका प्रमुख संरक्षक प्रोफोसर सिनेटर एल्बेर्टाे रोबोल लाई झण्डा हस्तान्तरण गरेका थिए ।

पिस वेलको सामुन्ने नेपालको राष्ट्रिय झडोत्तलनपछि सय पटक घण्ट बजाउनका साथै इटालीको राष्ट्रिय गान समेत बजाएर सम्मान देखाइएकाये थियो । उक्त अवसरमा नेपाली र इटालियन साँस्कृतिक नृत्य तथा संगीत प्रस्तुत गरिएको थियो ।

नेपालको झmण्डा दुई हप्तासम्म घण्टको सामुन्ने छुट्टै फहराइने र त्यसपछि स्थायी रुपमा अन्य मुलुकका झण्डासँगै राखिने जेनेभास्थित नेपाली दूतावासले जानकारी दिएको छ ।

झण्डा फहराउने कार्यक्रममा बोल्दै फाउण्डेशनका प्रमुख संरक्षक प्रोफेसर सिनेटर रोबोलले मारिया डोलेन्समा झण्डा स्थापना गर्ने ९६ औं मुलुकका रुपमा नेपाललाई स्वागत गरेका थिए ।

उनले नेपाल र नेपालीप्रति इटालीका जनतामा अत्यन्त ठूलो सद्भाव र मित्रता रहेको बताउँदै नेपालको झण्डा उक्त स्थानमा स्थापना भएपछि प्रतीकात्मक रुपमा दुई मुलुकका जनता अझै निकट भएको बताए ।