२१ साउन, काठमाडौं । हिन्दू धर्मावलम्बीहरुको साउन महिना विशेष मानिन्छ । साउनमा महिलाहरुले भगवान शिवको पूजा-आराधना गर्दछन् ।
साउन महिनाको अर्काे आकर्षण भनेको बोलबम हो । शिवभक्तहरु पहेंलो पोशाकमा सजिएर खाली खुट्टा पैदल यात्रा गर्दछन् । जसलाई बोलबम यात्रा भनिन्छ ।
बोलबम यात्रका लागि साउनको सोमबारलाई अझ विशेष मानिन्छ । पहिलो सोमबारबाट सुरु हुने बोलबम यात्रालाई तेस्रो सोमबारको दिन विशेष यात्राका रुपमा लिइन्छ ।
आज, साउन महिनाको तेस्रो सोमबार । बोलबम यात्रीहरु सुन्दरीजल पुगेर पूजा आराधना गरेका छन् । यात्रामा बालबालिका, युवादेखि जेष्ठ नागरिकसम्म सहभागी छन् ।
