२४ साउन, काठमाडौं । साताको अन्तिमदिन बिहीबार पनि पूँजी बजार लगानीकर्ताका लागि सुखद् बनन सकेन । बिहीबार नेप्से परिसुचकमा ६ दशमलव ६९ अंकको गिरावट आउदा लगानीकर्ताका लागि साताको अन्तिमदिन समेत दुखद् बनेको हो ।
१ हजार १ सय ८७ दशमलव ४२ अंकबाट शुरु भएको कारोबार ६ दशमलव ६९ अंकले ओरालो लाग्दा नेप्से परिसुचक १ हजार १ सय ८० दशमलव ६३ अंकमा आइपुगेको छ । बुधबार र मंगलबार भने सेयर बजारमा झिनो अंकको गिरावट देखिएको थियो ।
बिहीबार दिनभरमा आज १ सय ६३ कम्पनीहरुका ८ लाख ६९ हजार ३०७ कित्ताको सेयर किनबेच भएका छन् । जस अनुसार १९ करोड ६९ लाख ४५ हजार २ सय ३७ रुपैयाँको कारोबार भएको छ ।