२०७५ भदौ १० गते १४:०८ 
१० भदौ, काठमाडौं । स्पेनिस ला लिगामा शनिबार राति भएको खेलमा बार्सिलोनाले रियल भायाडोलिडलाई १-० ले हराएको छ ।
नवप्रवेशी क्लब भायाडोलिडको घरेलु मैदानमा बार्सिलोनाले जितको संघर्ष गर्नुपरेको थियो । बार्सिलोनाका उसमान डेम्बेलेले खेलको ५७ औं मिनेटमा गोल गरेका थिए । सर्जी रोबर्टोले आउटलाइनबाट हेड गरेको बललाई डेम्बेलेले गोलमा परिणत गरेका थिए ।
खेलको अन्तिम समयमा भायाडोलिडले बराबरी गोल फर्काएको भए पनि भिडियो असिस्टेन्ट रेफ्री (भीएआर) को सहायताले अफसाइड देखिएको थियो । त्यसअघि १० मिनेट बाँकी हुँदा बार्सिलोनाका लुइस स्वारेजले गरेको गोल पनि अफसाइड भएको थियो ।
खेलमा बारम्बार मैदानमा समस्या देखिएको थियो । चौर उप्किने समस्याले आजित बनेका बार्सिलोनाका खेलाडीले मैदान खेल्न योग्य नरहेको भन्दै असन्तुष्टिसमेत जनाएका छन् ।
जितसँगै बार्सिलोनाको दुई खेलबाट ६ अंक भएको छ । भायाडोलिड १ अंकसहित १५ औं स्थानमा छ ।
प्रतिक्रिया 4