१९ भदौ, काठमाडौं । काभ्रेका गुण्डा सत्यमान लामा पक्राउ परेका छन् ।
काभ्रेको तिमाल गाउँपालिका-६ का मानबहादुर तामाङ लगायतलाई ज्यान मार्ने धम्की दिएको आरोपमा महानगरीय प्रहरी अपराध महाशाखाले उनलाई मंगलबार काठमाडौंको ठमेलबाट पक्राउ गरेको हो ।
लामाले फोनबाट अश्लिल गालीगलौज गर्दै तामाङलाई हातखुट्टा भाँचिदिने, मार्ने धम्की दिएको आरोपमा उनलाई पक्राउ गरेको महाशाखाले जनाएको छ ।
लामाले तामाङलाई ज्यान मार्ने धम्की दिँदै ‘तँलाई मारेबापत जेलमा बस्न एकजना तयार छ’ भनी धम्की दिएको महाशाखाले बताएको छ । लामा भारतको नयाँ दिल्लीमा पक्राउ परेका गुण्डा नाइके दावा लामाको सहयोगी समेत हुन् ।
उनलाई यसअघि काठमाडौं प्रहरी परिसरले पक्राउ गरेको थियो । यद्यपि, सांसद् नविना लामाको रोहवरमा लामा छुटेकी थिइन् ।