काठमाडौं । वर्ल्ड मार्सल आर्ट्स कमिटीको आयोजनामा जर्मनीको सिविस गुइनमा भएको १२औं वर्ल्ड मार्सल आर्ट्स च्याम्पियनसिपमा नेपालका भूपेन्द्र गुरुङले स्वर्ण पदक जितेका छन् ।
भूपेन्द्रले छ्यान् छुवानमा स्वर्ण पदक जितेको नेपाल उमा कङ्फु संघका अध्यक्ष सिद्धार्थ लामाले जानकारी दिए ।
यसैगरी मुन्नी सुवेदीले ताइची र विजय तामाङले सान्डामा कास्य पदक जितेको अध्यक्ष लामाले बताए । कांश्य विजेता मुन्नी सुवेदी अधिवक्ता तथा लेक्चर पनि हुन् ।
प्रतियोगितामा २५ राष्ट्रका तीन सयभन्दा बढी खेलाडीको सहभागिता रहेको थियो ।
नेपाली टोली शुक्रबार स्वदेश फर्किने छ ।
