२९ भदौ मोरङ । सत्यनारायण माध्यमिक विद्यालय विराटनगरलाई समाजसेवी दिनबन्धु गोयलले एक लाख ८ हजार मूल्य बराबरको छात्रवृत्ति तथा शैक्षिक सामग्री प्रदान गरेका छन् ।
शुक्रबार ५४ औ बाल दिवसको अवसर पारेर समाजसेवी गोयलले बुहारी स्वर्गीय सुमनदेवी गोयलको नाममा १२ जना विद्यार्थीलाई जनही चार हजारका दरले छात्रवृत्ति रकम र विद्यालयलाई कम्युटर प्रदान गरेका हुन् ।
कक्षा ९ देखि १२ सम्म अध्ययन गर्ने जेहन्दार तथा विपन्न विद्यार्थीलाई जनही चार हजारका दरले छात्रवृत्ति र विद्यालयलाई ६० हजार मूल्य बराबरको दुई थान कम्यूटर प्रदान गरेको विद्यालयका प्रधानाध्यापक धर्मानन्द खरेलले जानकारी दिए ।
गोयलले बुहारी सुमनदेवीको नाममा कक्षा ९ मा अध्ययनरत पूजा पौडेल, सविना थापा र रुपेश चौधरीलाई प्रदान गरिएको थियो ।
कक्षा १० का दिब्या गुप्ता, इशा पोखरेल, मौसम बिक, कक्षा ११ का बिना कट्टेल, एलिना बस्नेत, मधुरमण ढंगाना र कक्षा १२ का बिनिता चौधरी, विना कट्वाल र सुशान्त खतिवडालाई प्रदान गरेका थिए ।
