२०७५ असोज ११ गते ६:५८ 
काठमाडौं । स्पेनिस ला लिगा फुटबलमा सेभियाले रियल मड्रिडमाथि शानदार जित हात पारेको छ ।
बुधबार राति भएको खेलमा सेभियाले मड्रिडमाथि ३–० को जित निकालेको हो । घरेलु मैदानमा भएको खेलमा सेभियाले १७ औं मिनेटमा आन्द्रे सिल्भाको गोलबाट अग्रता लिएको थियो । चार मिनेटपछि उनैले अग्रता दोब्बर पारे ।
खेलको ३९ औं मिनेटमा बेन येडरले गोल गरेपछि घरेलु टोली पहिलो हाफमा ३–० को अग्रता लिन सफल भयो ।
रियल मड्रिड दोस्रो हाफमा पनि खेलमा फर्कन सकेन र हार स्वीकार गरेको छ ।
हारसँगै रियलले लिगको शीर्ष स्थानमा उक्लने मौका गुमाएको थियो । बुधबार नै लिग लिडर बार्सिलोना पनि लेगनेससँग पराजित भएको थियो ।
प्रतिक्रिया 4