१५ पुस, काठमाडौं । ग्लोबल आइएमई बैंक लिमिटेडले आइतबार पाल्पाको पूर्वखोलास्थित तानसेन शाखा र पूर्वखोला शाखा कार्यालयको औपचारिक समुद्घाटन गरेको छ ।
शाखाको नेपाल राष्ट्र बैंकका गभर्नर डा. चिरञ्जीवी नेपाल र तानसेन नगरपालिकाका मेयर अशोक कुमार शाहीले संयुक्त रुपमा उद्घाटन गरे ।
उद्घाटन गर्दै गभर्नर नेपालले पाल्पा जिल्ला लगायत देशका अन्य जिल्लाहरुमा ग्लोबल आइएमई बैंकले बिस्तार गरेको सेवा सञ्जालले देशको समग्र आर्थिक वृद्धिमा उल्लेख्य टेवा पुगेको बताए ।
बैंकका अध्यक्ष चन्द्रप्रसाद ढकाल ज्यूले ग्लोबल आइएमई बैंक सुविधा सम्पन्न स्थानमा मात्र नभएर विकट क्षेत्रमा समेत पुगेर आफ्नो सेवा प्रदान गरिरहेको जानकारी गराउँदै सबै वर्ग र क्षेत्रलाई बैंकिङ पहुँचमा ल्याउने बैंकको प्राथमिक उद्देश्य रहेको बताए ।
यससँगै मुलुकभर ग्लोबल आइएमई बैंकका १ सय ३३ शाखा विस्तार भएको छ ।
प्रतिक्रिया 4