७ फागुन, काठमाडौं । टुसाल क्लब शहीद स्मारक बी डिभिजन लिग फुटबलको शीर्ष स्थानमा उक्लिएको छ ।
ललितपुरको सातदोबाटोस्थित एन्फा कम्प्लेक्सको खेल मैदानमा मंगलबार भएको खेलमा मध्यपुर युथ एसोसिएसनलाई १-० गोलअन्तरले पराजित गर्दै टुसाल लिगको शीर्ष स्थानमा उक्लिएको हो ।
टुसालको जितमा एलोन राईले निर्णायक गोल गरे । पहिलो हाफको अतिरिक्त समयमा एलोनले पेनाल्टीबाट गोल गर्दै टुसाललाई अग्रता दिलाएका थिए । पहिलो हाफमा १-० गोलको अग्रता लिएको टुसालले आफ्नो अग्रतालाई दोस्रो हाफमा पनि कायमै राख्न सफल भयो ।
जितसँगै टुसलले चार खेलबाट १० अंक प्राप्त गर्दै शीर्ष स्थानमा पुगेको हो ।
आजै भएको अर्को खेलमा झम्सिखेल युथ क्लबले श्री कुमारी क्लबलाई २-१ गोलअन्तरले पराजित गरेको छ ।
