३ वैशाख, काठमाडौं । मंगलबार काठमाडौंको टोखामा बिस्का: जात्रा मनाइएको छ । यसलाई टोखाको विशेष पर्वका रुपमा लिइन्छ । मौलिक बाजागाजाको मौलिक धुनमा भातृत्व, सद्भाव र उल्लासका साथ संगीतमय वातावरणमा यो पर्व मनाइन्छ ।
टोखाबासीको एकताको प्रतीकको रुपमा समेत यस जात्रालाई लिने गरिन्छ । भक्तपुरको ठिमीमा जस्तै हुने यो बिस्का: जात्रालाई काठमाडौंको बिस्का जात्राको रुपमा लिइन्छ । तर प्रचार प्रसारको अभावमा थिमीको जस्तो चर्चा हुदैन ।
विगत केही वर्षदेखि भने यहाँको बिस्का: जात्राको प्रचार प्रसार बढेको छ र अवलोकनकर्ताको संख्या पनि बढेको छ ।
