डेभिड वार्नरले हाने शतक

५ असार, काठमाडौं । विश्वकप क्रिकेटमा बंगलादेशविरुद्ध अष्ट्रेलियाका ओपनर डेभिड वार्नरले शतक बनाएका छन् ।

वार्नरले ११० बलमा शतक पूरा गरेका हुन् । उनले ७ चौका दुई छक्का प्रहार गर्दै अर्धशतक बनाएका हुन् ।

टस जितेर पहिले ब्याटिङ गरेको अष्ट्रेलियालाई वार्नरले उत्कृष्ट ब्याटिङ गर्दै उच्च रनतर्फ लगेका छन् । उनले कप्तान आरोन फिन्चसँग मिलेर पहिलो विकेटका लागि १२१ रनको साझेदारी गरेका थिए । फिन्च ५३ रनमा आउट भए ।

यसअघि पनि जारी विश्वकपमा वार्नरले पाकिस्तानविरुद्ध शतक प्रहार गरेका थिए । उनले पाकिस्तानविरुद्ध १०७ रन बनाएका थिए ।