२८ साउन, दाङ । त्रिभुवननगर जेसीज दाङले प्रत्येक वर्ष प्रदान गर्दै आएको यज्ञबहादुर बुढाथोकी स्मृती उत्कृष्ट पुरस्कार फोटो पत्रकार कुलदीप न्यौपानेले पाएका छन् ।
जेसीजले सोमबार आयोजना गरेको कार्यक्रममा घोराही उपमहानगरपालिकाका प्रमुख नरुलाल चौधरीले न्यौपानेलाई यज्ञबहादुर बुढाथोकी स्मृती उत्कृष्ट पुरस्कारबाट सम्मान गरे । न्यौपाने नयाँ युगबोध राष्ट्रिय दैनिक दाङमा कार्यरत छन् ।
कार्यक्रमलाई सम्बोधन गर्दै मेयर चौधरीले दाङसहित राप्तीलाई फोटोमार्फत् देश-विदेशमा चिनाउन पत्रकार न्यौपानेले ठूलो भूमिका खेलेको उल्लेख गरे ।
