सानिमा बैंकले कैलालीको बौनियाँमा शाखा कार्यालय सञ्चालनमा ल्याएको छ । सानिमा बैंकका ब्रान्ड प्रवद्र्धक हरिवंश आचार्य र सञ्चालक भरत कुमार पोखरेलले शाखाको उद्घाटन गरे ।
कार्यक्रममा बैंकका सञ्चालक भरत कुमार पोखरेलले शाखाबाट सम्पूर्ण बैंकिङ्ग सेवा प्रदान गर्न पाएकोमा खुसी व्यक्त गरे । त्यसैगरी हरिवंश आचार्यले बौनियाँमा सानिमा बैंक सञ्चालनमा आएकोमा बौनियाँवासीहरुलाई बधाईको साथै बैंकलाई समेत बधाई ज्ञापन गर्दै सानिमाको सफलता तथा सबल अनि विश्वसनीय बैंको रुपमा निरन्तर विस्तार हुन शुभकामना दिए ।
सानिमा बैंकको उक्त शाखा समेत हालसम्म ७९ वटा शाखा संजाल तथा ७५ वटा एटिएम रहेका छन् ।
