२९ असोज, काठमाडौं । विमानस्थलमा तोडफोड गरेको आरोपमा पक्राउ परेका सांसदलाई रिहा गर्न माग गर्दै राष्ट्रिय जनता पार्टी (राजपा)ले जनकपुरमा प्रदर्शन गरेको छ ।
राजपाका कार्यकर्ताले बुधबार सडकमा टायर बालेर प्रदर्शन गरेका हुन् । उनीहरुले सांसद प्रमोदकुमार साहलाई तत्काल रिहा गर्नुपर्ने माग राखेका छन् ।
अदालतले भने सांसद साहलाई चार दिन थुनामा राखेर अनुसन्धान गर्न अनुमति दिएको छ ।
सांसद साहले सोमबार जनकपुर विमास्थलको बुद्ध एयरको काउन्टरमा तोडफोड गरेका थिए ।
