१५ कात्तिक, वीरगञ्ज । बारा प्रहरीले कस्तुरी मदिरा र भारतबाट अवैध रूपमा भित्राइएका पटाका बरामद गरेको छ ।
कलैया–१० निलकण्ठवा सडक किनारमा भारतबाट अवैध रूपमा भित्राइएको १ लाख मूल्य बराबरको पटाका बिहीबार बरामद गरेको प्रहरी चौकी मटिअर्वाले जनाएको छ ।
प्रहरी चौकी अमृतगंज खजानीको टोलीले सिम्रौनगढ–१ भन्टाबारीबाट ४५ हजार मूल्य बराबरको ४४ कार्टुन कस्तुरी मदिरा बरामद गरेको छ ।
नेपालबाट भारत तर्फ निकासीको लागि लुकाइ छिपाइ राखेको अवस्थामा उक्त परिमाणको कस्तुरी मदिरा तथा मदिरा ओसार्न प्रयोग गरिएको ५ थान साइकल समेत प्रहरीले बरामद गरेको छ ।
