५ मंसिर, काठमाडौं । अख्तियार दुरुपयोग अनुसन्धान आयोगले नेपाल विद्युत प्राधिकरण बाराको कलैया वितरण केन्द्रमा कार्यरत एक जना कर्मचारीलाई घुस रकमसहित शुक्रबार नियन्त्रणमा लिएको छ ।
नयाँ विद्युत मिटर जडानका लागि सिफारिस गरी दिने भनी सेवाग्राहीसँग ९ हजार रुपैयाँ घुस लिइसकेको अवस्थामा कलैया वितरण केन्द्रका हेल्पर राजदेव महतो कोइरीलाई नियन्त्रणमा लिएको आयोगका प्रवक्ता प्रदीपकुमार कोइरालाले जानकारी दिए ।
सेवाग्राहीसँग घुस रकम माग गरेको भन्ने सूचनाको आधारमा अख्तियार दुरुपयोग अनुसन्धान आयोगको कार्यालय हेटौडाबाट खटिएको टोलीले कोइरीलाई कलैया उपमहानगरपालिका वडा नं. ३ स्थित एक चिया पसलबाट नियन्त्रणमा लिई अनुसन्धान भइरहेको कोइरालाले बताए ।