५ मंसिर, काठमाडौं । धरान उपमहानगरपालिकाको उपनिर्वाचनको मतगणनामा नेपाली कांगेसका उम्मेदवारले अग्रता लिएका छन् ।
आइतबार दिउँसो सार्वजनिक मत परिणामअनुसार नेपाली कांग्रेसका उम्मेदवार तिलक राईले ६ हजार ८ सय ५८ र नेकपाका उम्मेदवार प्रकाश राईले ६ हजार ४ सय ३४ मत पाएका छन् ।
अहिलेसम्म धरान उपमहानगरपालिकाको वडा नं १६, १७, १८, १९ र २० को मतगणना सकिएको छ ।
यसअघि धरान उपमहानगरपालिकामा तत्कालिन नेकपा एमालेका तारा सुब्बाले विजयी भएका थिए । उनको मृत्यु भएपछि उपनिर्वाचन हुन लागेको हो ।
