२२ माघ, काठमाडौं । अख्तियार दुरुपयोग अनुसन्धान आयोग (अदुअआ) ले बालुवाटारस्थित ललिता निवास र यसले चर्चेको सरकारी/सार्वजनिक जग्गा हिनामिना प्रकरणमा संलग्न भएको आरोपमा पूर्वउपप्रधानमन्त्री विजयकुमार गच्छदारसहित दुई पूर्वमन्त्री र तीन पूर्वसचिवसमेत १७५ जना विरुद्ध मुद्दा दायर गरेको छ ।

ललिता निवासको ११४ रोपनी जग्गा कब्जा गरेको आरोपमा अदुअआले उनीहरूविरुद्ध बुधबार विशेष अदालत, काठमाडौंमा मुद्दा दायर गरेको हो ।

अदुअआले पूर्वउपप्रधानमन्त्री विजयकुमार गच्छदार, पूर्वमन्त्रीद्वय डम्बर श्रेष्ठ र चन्द्रदेव जोशीविरुद्ध मुद्दा दायर गरेको छ । गच्छदार र श्रेष्ठलाई समान ९ करोड ६५ लाख ७६ हजार रुपैयाँ विगो तोकेको छ । त्यस्तै, पूर्वमन्त्री जोशीसँग ७ करोड ८ लाख ४८ हजार विगो माग गरिएको छ ।

पूर्वसचिवहरूमध्ये अख्तियारको प्रमुख आयुक्त भइसकेका दीप बस्न्यात र पूर्वसचिव छविराज पन्त दुबैसँग जनही ९ करोड ६५ लाख ७६ हजार विगो मागिएको छ । सचिव हुँदा भ्रष्टाचार गरेको अभियोग लागेका बस्न्यात अवकाशपछि अदुअआका पूर्व प्रमुख आयुक्त र पन्त मन्त्री बनेका थिए ।

अर्का पूर्वसचिव एवं गीतकार दिनेशहरि अधिकारीलाई ७ करोड ८ लाख ४८ हजार बिगो तोकिएको छ ।

त्रिमूर्तिसँग डेढ अर्ब बिगो माग

ललिता निवासको जग्गा गैरकानूनी तरिकाले कब्जा गरेर व्यक्तिगत सम्पत्तिसरह बेचविखन गर्न रामकुमार सुवेदी, शोभाकान्त ढकाल र मीनबहादुर गुरुङले प्रमुख भूमिका खेलेको अदुअआको ठहर छ ।

अदुअआले सुवेदीसँग ५२ करोड ५१ ला ख, ढकालसँग ३९ करोड २७ लाख र गुरुङसँग ३९ करोड २७ लाख बिगो मागेको छ ।
अनुसन्धानमा संलग्न अधिकारीहरूका अनुसार सुवेदी र ढकालले शक्ति केन्द्रसँग च्यानल मिलाउनेदेखि कर्मचारीहरूलाई किनबेच गर्ने काम गरेका थिए । पैसाकै बलमा उनीहरूले राजकुलो, बाटो, पोखरीको जग्गामा समेत मोही कायम गर्ने, अदुअआ, सतर्कता केन्द्र र मालपोतमा परेका उजुरीलाई निस्तेज पार्ने गरेका थिए ।

स्रोतका अनुसार भाटभटेनी डिपार्टमेन्ट स्टोरका सञ्चालक समेत रहेका गुरुङ आर्थिक जोहो गर्ने, सरकारी जग्गा बेच्ने र जग्गा संरक्षण अभियन्तालाई धम्काउनेसम्मका काम संलग्न थिए ।

राष्ट्र सेवक कर्मचारी/पदाधिकारीलाई अनुचित प्रभाव पारी ललिता निवास क्याम्पाभित्रको सरकारी, सार्वजनिक जग्गा गैरकानूनीरुपमा आफ्नो र आफन्तका नाममा गराउने, हाल साविक गराउने, कृत्रिम मोही खडा गराउने, बेचविखन गर्ने, व्यक्ति विशेषको नाममा पार्ने गरेर आफूलाई प्रत्यक्ष लाभ र नेपाल सरकारलाई प्रत्यक्ष हानी पुर्‍याएको अभियोग छ ।

जग्गा धनी र मोही हुँ भन्नेविरुद्ध मुद्दा

अदुअआले आफूलाई ललिता निवास क्याम्पाभित्रको जग्गा धनी र मोही दाबी गर्ने मध्ये ३१ जनालाई प्रतिवादी बनाएको छ । जग्गा धनी दाबी गर्दै आएका रुक्म समशेर जबरा, हाटक समशेर जबरा, हेमन समशेर जबरा, सुनीती राणा, शैलजा राणा, हेमाद्री समशेर जबरालाई पनि विपक्षी बनाइएको छ ।

राणा परिवारमाथि सरकारले बकाइदा मुआब्जा दिएर अधिग्रहण गरेको करिब १०० रोपनी जग्गा राष्ट्र सेवक कर्मचारी/पदाधिकारीलाई अनुचित प्रभाव पारी सरकारी, सार्वजनिक जग्गा गैरकानूनी रुपमा आफ्नो नाममा दाखिल खारेज दर्ता, हाल साविक गराई आफूलाई प्रत्यक्ष लाभ र नेपाल सरकारलाई प्रत्यक्ष हानी पुर्‍याएको अभियोग छ ।

जो विरुद्ध मुद्दा चलेन

अदुअआले ललिता निवास जग्गा प्रकरणमा पूर्वप्रधानमन्त्रीद्वय माधवकुमार नेपाल र डा. बाबुराम भट्टराईविरुद्ध मुद्दा चलाउनु नपर्ने निर्णय गरेको छ । मन्त्रीपरिषदले सामूहिक रुपमा गरेका निर्णयहरू अदुअआको क्षेत्राधिकारमा नपर्ने भन्दै उसले मुद्दा चलाउन इन्कार गरेको हो ।

‘तत्कालीन प्रधानमन्त्रीद्वय माधवकुमार नेपाल र डा. बाबुराम भट्टराईको बयान भएता पनि निजीहरुको हकमा केही गरिरहनु परेन’, अदुअआले आफ्नो निर्णयमा भनेको छ ।

सर्वोच्च अदालतका न्यायाधीश कुमार रेग्मी र नेपाल कम्युनिष्ट पार्टी (नेकपा) महासचिव विष्णु पौडेलका छोरा नवीन पौडेल विरुद्ध पनि मुद्दा चलाउनु नपर्ने अदुअआको निर्णय छ ।

बहालवाला न्यायाधीश रेग्मी र महासचिवका छोरा पौडेललाई भने ‘जग्गा जफत गर्ने प्रयोजनका लागि’ समेत प्रतिवादी बनाइएको छैन । ललितानिवास क्याम्पभित्रको जग्गाहरु नेपाल सरकारलाई फिर्ता गर्न सहमत भएकाले उनीहरूविरुद्ध मुद्दा चलाउन नपरेको अख्तियारको भनाइ छ ।

पूर्वसचिव शारदाप्रसाद त्रितालको अध्यक्षतामा गठित छानविन समितिले ललिता निवासको सरकारी जग्गा अवैध तरिकाले व्यक्तिका नाममा गरेको निश्कर्षसहितको प्रतिवेदन सरकारलाई बुझाएपछि सरकारले २८ फागुनमा विवादित जग्गा रोक्का राख्ने निर्णय गरेको थियो ।

त्रिताल समितिकै प्रतिवेदनमा टेकेर अदुअआ, प्रहरीको केन्द्रीय अनुसन्धान ब्यूरो (सीआईबी) र भूमि सुधार मन्त्रालयले छुट्टाछुट्टै अनुसन्धान अगाडि बढाएको थियो ।

सीआईबीले मुलुकी ऐनको कीर्ति र ठगीसम्बन्धी कसूरमा अर्को मुद्दा दायर गर्ने तयारी गरेको छ । सीआईबीले तयार पारेको अनुसन्धान प्रतिवेदन १६ माघमा गृह मन्त्रालयमा बुझाएको छ । स्रोतका अनुसार अदुअआको १७५ को सूचीमा नपरेका केही ‘हाइप्रोफाइल’ नाम समेत त्यसमा परेका छन् ।

सरकारी कर्मचारी र पदाधिकारीहरु

विजयकुमार गच्छदार, उप-प्रधानमन्त्री तथा मन्त्री, बिगो रु. ९,६५,७६,०००।-
डम्बर श्रेष्ठ, मन्त्री, बिगो रु. ९,६५,७६,०००।-
चन्द्रदेव जोशी, मन्त्री, बिगो रु. ७,०८,४८,०००।-
दीप बस्न्यात, सचिव, बिगो रु. ९,६५,७६,०००।-
छविराज पन्त, सचिव, बिगो रु. ९,६५,७६,०००।-
दिनेशहरि अधिकारी, सचिव, बिगो रु. ७,०८,४८,०००।-
तेजराज पाण्डे, सह-सचिव, बिगो रु. ७,०८,४८,०००।-
जीतबहादुर थापा, सह-सचिव, बिगो रु. ९,६५,७६,०००।-
हुपेन्द्रमणि केसी, उप-सचिव, बिगो रु. ३०,३९,९६,०००।-
विनोदकुमार गौतम, उप-सचिव, बिगो रु. ९,६५,७६,०००।-
लक्ष्मीनारायण उप्रेती, उप-सचिव, बिगो रु. ७,०८,४८,०००।-
कलाधर देउजा, प्रमुख मालपोत अधिकृत, बिगो रु. २२६८५५००।-
मुकुन्दप्रसाद आचार्य, भूमिसुधार महानिर्देशक, बिगो रु. ७५१००००।-
सुरेन्द्रमान कपाली, मालपोत अधिकृत, बिगो रु. २२६८५५००।-
धर्मप्रसाद गौतम, शाखा अधिकृत, बिगो रु. ७८,२४,२००।-
जगतप्रसाद पुडासैनी, नायब सुब्बा, बिगो रु. २,२६,८५,५००।-
युक्तप्रसाद श्रेष्ठ, खरिदार, बिगो रु. २,२९,५७,४००।-
रुद्रकुमार श्रेष्ठ, महानिर्देशक, बिगो रु. १३,२३,७२,०००।-
पुष्पराज उपाध्याय, निर्देशक, बिगो रु. १३,२३,७२,०००।-
इन्द्रप्रसाद ढुंगाना, शाखा अधिकृत, बिगो रु. १३,२३,७२,०००।-
टिकाराम घिमिरे, प्रमुख मालपोत अधिकृत, बिगो रु. १३,६५,७२,०००।-
टिकाबहादुर बिसी, नायब सुब्बा, बिगो रु. १३,२३,७२,०००।-
जीवनाथ पोखरेल, खरिदार, बिगो रु. १३,२३,७२,०००।-
अर्जुन भण्डारी, नायब सुब्बा, बिगो रु. १३,२३,७२,०००।-
मोहम्मद साबिर हुसैन, नापी अधिकृत, बिगो रु. ४२,००,०००।-
श्रीहरि पुडासैनी, नायब सुब्बा, बिगो रु. ४२,००,०००।-
श्यामकुमार क्षेत्री, खरिदार, बिगो रु. ४२,००,०००।-
हरिकृष्ण तिम्सिना, मालपोत अधिकृत, बिगो रु. ३२,१९,२०,०००।-
परशुराम पोखरेल, मालपोत अधिकृत, बिगो रु. ३२,१९,२०,०००।-
कृष्णप्रसाद पौडेल, शाखा अधिकृत, बिगो रु. ३२,१९,२०,०००।-
प्रकाश नारायण भट्ट, नायब सुब्बा, बिगो रु. ३२,१९,२०,०००।-
टंकनाथ पौडेल, नायब सुब्बा, बिगो रु. ३२,१९,२०,०००।-
प्रेमबहादुर खापुङ्ग, प्रमुख मालपोत अधिकृत, बिगो रु. ९,६५,७६,०००।-
अर्जुन खतिवडा, नायब सुब्बा, बिगो रु. ९,६५,७६,०००।-
शंकरप्रसाद सुवेदी, भूमिसुधार अधिकारी, बिगो रु. ९,६५,७६,०००।-
अंगर सिग्देल, नायब सुब्बा, बिगो रु. ९,६५,७६,०००।-
केदारप्रसाद श्रेष्ठ, नायब सुब्बा, बिगो रु. ९,६५,७६,०००।-
कमल घिमिरे, नापी अधिकृत, बिगो रु. ३२,१९,२०,०००।-
देवबहादुर लामिछाने, सर्भेक्षक, बिगो रु. ३२,१९,२०,०००।-
भरतचन्द्र अर्याल, अमिन, बिगो रु. ३२,१९,२०,०००।-
जनकबहादुर भण्डारी, नापी अधिकृत, बिगो रु. ९,६५,७६,०००।-
राजेन्द्रमान श्रेष्ठ, इञ्जिनियर, बिगो रु. ९,६५,७६,०००।-
बालकृष्ण श्रेष्ठ, सिनियर डिभिजन इञ्जिनियर, बिगो रु. ९,६५,७६,०००।-
सुरोजराज राजकणिर्कार, सुपरिटेण्डेण्ट इञ्जिनियर, बिगो रु. ९,६५,७६,०००।-
अशोकनाथ उप्रेती, महानिर्देशक, शहरी विकास, बिगो रु. ९,६५,७६,०००।-
हरिबोल आचार्य, मुख्य अधिकृत, बिगो रु. ७,०८,४८,०००।-
रामेश्वर विडारी, वरिष्ठ सहायक, बिगो रु. ७,०८,४८,०००।-
सेमन्तराज चापागाइँ, गुठी प्रशासक, बिगो रु. ७,०८,४८,०००।-
तुलसी पोखरेल, सहायक प्रशासक, बिगो रु. ७,०८,४८,०००।-
हेमराज सुवेदी, सह-प्रशासक, बिगो रु. ७,०८,४८,०००।-
हरिप्रसाद जोशी, उप-प्रशासक, बिगो रु. ७,०८,४८,०००।-
बलिरामप्रसाद तेली, गुठी प्रशासक, बिगो रु. ७,०८,४८,०००।-
दिलिपकुमार भट्ट, का.मु. गुठी प्रशासक, बिगो रु. ७,०८,४८,०००।-
नवराज पौडेल, सहायक, बिगो रु. ७,०८,४८,०००।-
शैलेन्द्र पौडेल, सहायक प्रशासक, बिगो रु. ७,०८,४८,०००।-
जयप्रसाद रेग्मी, उप-प्रशासक, बिगो रु. ७,०८,४८,०००।-
फणिन्द्रप्रसाद दाहाल, नायब सुब्बा, बिगो रु. ७,०८,४८,०००।-
मणिकुमार राना, नायब सुब्बा, बिगो रु. ७,०८,४८,०००।-
बद्रीबहादुर कार्की, शाखा अधिकृत, बिगो रु. ७,०८,४८,०००।-
दिनेशप्रसाद शर्मा, प्रमुख मालपोत अधिकृत, बिगो रु. ७,०८,४८,०००।-

जग्गा धनी र मोही

रुक्म शम्शेर जबरा, बिगो रु. ८,२७,८२,०००।-
हाटक शम्शेर जबरा, बिगो रु. १,३५,२२,०५०।-
हेमन शम्शेर जबरा, बिगो रु. १,३५,२२,०५०।-
सुनिती राणा, बिगो रु. ८,६९,८२,०००।-
शैलजा राणा, बिगो रु. ९,६३,०४,०५०।-
हेमाद्री शम्शेर जबरा, बिगो रु. ४२,००,०००।-
बिलबहादुर महर्जन, बिगो रु. ३,००,०००।-
हर्ष महर्जन, बिगो रु. ४४,८०,०००।-
डीएल डेभलपर्स प्रा.लि., बिगो रु. ५,४४,००,०००।-
माधवी सुवेदी, बिगो रु. ९१,२०,०००।-
उमाकुमारी ढकाल्नी, बिगो रु. ९१,२०,०००।-
श्रीकृष्ण महर्जन, बिगो रु. १,९०,४०,०००।-
चमेली श्रेष्ठ, बिगो रु. ३,२८,००,०००।-
कान्छा महर्जन, बिगो रु. ५२,८०,०००।-
देवनारायण महर्जन, बिगो रु. २,९७,६०,०००।-
तीर्थमाया महर्जन, बिगो रु. ६७,२०,०००।-
रेना गुरुङ्ग, बिगो रु. २,२७,२०,०००।-
बाबुराजा महर्जन, बिगो रु. ३,४४,००,०००।-
मचानानी महर्जना, बिगो रु. १,५५,२०,०००।-
ग्वाराभाइ महर्जन, बिगो रु. १,८८,८०,०००।-
द्वारिकामान महर्जन, बिगो रु. ३,५८,७२,०००।-
रजनी पनेरु, बिगो रु. ४०,००,०००।-
बाबा कार्की, बिगो रु. ३,२८,००,०००।-
अगम ढुंगाना, बिगो रु. ३,२८,००,०००।-
खेमलाल खरेल, बिगो रु. ३,२८,००,०००।-
मिनबहादुर गुरुङ, भाटभटेनी, बिगो रु. ११,२०,००,०००।-
लक्ष्मी ढकाल, बिगो रु. ३,२८,००,०००।-
तीर्थमाया महर्जन, बिगो रु. ३,९०,४०,०००।-
देवरानायण महर्जन, बिगो रु. ३,०६,७२,०००।-
मोहन महर्जन, बिगो रु. २,६२,०८,०००।-
सञ्जयकुमार महर्जन, बिगो रु. २७,३६,०००।-
सकुलानन्द महर्जन, बिगो रु. २७,३६,०००।-

सरकारी जग्गा कमिसनमा लिनेहरु

शोभाकान्त ढकाल, बिगो रु. ३९,२७,६८,०००।-
रामकुमार सुवेदी, बिगो रु. ५२,५१,४०,०००।-
मिनबहादुर गुरुङ, बिगो रु. ३९,२७,६८,०००।-

इन्द्रबहादुर थापा क्षेत्री, बिगो रु. ६,२३,५००।-
शान्ति मल्ल प्रधानाङ्ग, बिगो रु. ६,२३,५००।-
मिठुदेवी चापागाईँ, बिगो रु. ६,२३,५००।-
सरस्वतीकुमारी श्रेष्ठ, बिगो रु. ६,२३,५००।-
निर्मलादेवी श्रेष्ठ, बिगो रु. २,७१,९००।-
मोहनप्रसाद भट्टराई, बिगो रु. ४,६४,२००।-
बैकुण्ठ शर्मा रेग्मी, बिगो रु. १,५०,०००।-
खिमादेवी आङबुहाङ, बिगो रु. २,८६,०००।-
शशिकला सुब्बा, बिगो रु. १,७८,२००।-
विद्या पौडेल गौतम, बिगो रु. १,३१,३००।-
सोदा कुमारी चापागाईं, बिगो रु. ९३,७५०।-
भुवन कुमारी चापागाईं, बिगो रु. ७,५९,४००।-
उर्मिला शाह, बिगो रु. २,८६,०००।-
रामनाथ घिमिरे, बिगो रु. १,७८,२००।-
रामकल्याण अधिकारी, बिगो रु. ७,५९,४००।-

अभियोगपत्रको संक्षेप