उपत्यकाका जनतालेझैं देशभरका जनताले आफ्नै लागि सरकारले दिएको निर्देशन पालना गर्दछन् । अपवादका कुरा उछाल्न आवश्यक छैन, त्यसलाई बेग्लै तरिकाले समाधान गरिनु पर्दछ । तर...सरकार... २०७७ चैत्रका समाचार पत्रहरुमा लेखिनेछ.... गतवर्ष मृत्यु भएका ...जनाको कोरोना परीक्षण पोजिटिभ भेटिएको छ । नेता वा जिम्मेवार व्यक्तिहरु “हामी पूर्ण तयारी हालतमा छौं” भन्ने पर्चा रट्न व्यस्त छन् । आफ्नो बुद्धिको स्वतन्त्ररुपमा प्रयोग गर्ने वातावरण हामीले कहाँ बनायौं र विस्वस्त हुनु ? हामीसँग साधन, श्रोत एवं अनुभवमा कमी थियो, छ र हुनेछ तर बुद्धिको कमी थिएन नि, विचरो बुद्धि पनि मेरो देशमा सधैं कुँजिने गरेको छ । तयारी के को भयो, स्पष्ट छैन, हरेक दिन उजागर भइरहेका समाचारले तयारी के मा भइरहेको हो भन्ने कुरामा शंका उत्पन्न भई रहेको छ । सावधानीमा, उपचारमा वा रोगीको अन्तिम संस्कार गर्नमा के मा तयारी गरिएको हो जनता रणभुल्लमा परिरहेछन् । चितवनमा शंकास्पद रोगीको मृत्यु भयो तर परीक्षणको नतिजा आउँदैन । अस्पताल जान खोज्दा जचाउने पद्धति नै छैन भनेर भागाभाग हुन्छ । यहाँ सबै कुराले सक्षम व्यक्ति भएपनि उ अरुप्रति जवाफदेही छैन, निर्धक्कसँग रोग बोकेर भुस्याहा कुकुर जसरी हिँडिरहेछ । यहाँ न कसैलाई कसैसँग डर छ, न जिम्मेवारी र उत्तरदायीत्व बोध । भूकम्प एवं नाकाबन्दीले जसरी नेपालमा नवधनाढ्य वर्गको संख्या ह्वात्तै बढायो, यो कोरोना पनि त्यही बाटोमा गइरहेछ । ईश्वरले मलाई र हामीलाई दयाराखी सद्बुद्धि देउन् ।

I hope metro will clean the city streets when it is empty right now. Look at all that dust on the sides on the streets. Disgusting to look at.