१५ चैत, सप्तरी । देशमा कोरोना भाइरस (कोभिड-१९) संक्रमण फैलिन नदिन सरकारले लकडाउन लगाएको समयमा एक जना स्वास्थ्यकर्मीको मोटरसाइकल सप्तरीबाट चोरी भएको छ ।
सप्तरी सदरमुकाम राजविराजस्थित शहरी स्वास्थ्य केन्द्रका प्रमुख अहेब सन्तोष दासको मोटरसाइकल शनिबार केन्द्र अगाडिबाटै चोरी भएको छ । दास ड्युटीमा रहेको बखत उनले बाहिर राखेको बा.४३प २२१२ नम्बरको मोटरसाइकल चोरी भएको हो ।
‘बाहिर मोटरसाइकल राखेर भित्र ड्युटीमा थिएँ’ दासले भने, “ड्युटि सकिएपछि बाहिर आउँदा मोटरसाइकल चोरी भएको पाएँ ।”
दासले सधैं यहीं ठाउँमा मोटरसाइकल राख्दै आएपनि कहिले केही नभएको बताए ।
