१६ चैत, चितवन । रोयल फर्मासिटीकलले भरतपुर कोरोना विशेष (अस्थायी) अस्पताललाई औषधि सहयोग गरेको छ । भरतपुर १६ मा रहेको फर्मासिटिकलले ३६ हजार सिटाफाष्ट र १६ हजार रोल्सेट ट्याब्लेट सहयोग गरेको हो ।
रोयल फर्मासिटिकलका अध्यक्ष प्रेम थापा र प्रबन्ध निर्देशक केशवप्रसाद लामिछानेले सो औषधि कोरोना प्रकोपविरुद्ध जिल्ला व्यवस्थापन समितिका संयोजक तथा सांसद विजय सुवेदी र भरतपुर महानगर प्रमुख रेनु दाहाललाई हस्तान्तरण गरेका हुन् ।
प्रबन्ध निर्देशक लामिछानेले बजारमा अभाव रहेको औषधि कोरोना अस्पताललाई सहयोग गरिएको बताए ।
भरतपुर महानगर प्रमुख रेनु दाहालले कोरोना विरुद्धको लडाइँ साझा अभियान भएकोले सबैले साथ दिनुपर्ने बताइन् ।