१७ चैत, जनकपुरधाम । धनुषाको सबैला नगरपालिका १२ बडकुर्वाका मुसहर समुदायका एक सय घर परिवारलाई सोमबार नियमित हात धुनका निम्ति साबुन र प्रयोग गर्न मास्क प्रदान गरिएको छ ।
भोर अनुसन्धानमा आधारित एक परोपकारी संस्थाले मुसहर समुदायलाई मास्क र साबुन वितरण गरेको हो । प्रतिपरिवार पाँच थान माक्स र दुई थान साबुन वितरण गरिएको हो ।
कोरोनाको संक्रमण फैलिन नदिन सुरक्षा सतर्कता अपनाउन आग्रह गर्दै उनीहरुलाई मास्क र साबुन वितरण गरिएको भोरका कोषाध्यक्ष पचुलाल माझी मुसहरले जानकारी दिए ।
