नेपाली चलचित्र क्षेत्रमा नायक दयाहाङ राइको नाम अग्रपङ्क्तिमा छ । तर, दयाले यो नाम बनाउनका लागि ठूलो मेहनत गरेका छन् । चलचित्र क्षेत्रमा लाग्दा होस् या नाटकको दुनियाँमा रमाउँदा नै होस्, दयाको संघर्षको कथा धेरैका लागि प्रेरणादायी छ ।
उनै, दयाहाङ राई पनि अरू जस्तै कोरोनाविरुद्ध आह्वान गरेको लकडाउनमा छन् । लकडाउनमा रहेका दयाहाङले सामाजिक सञ्जाल इन्स्टाग्राममा आफ्ना पुराना तस्वीरहरू सेयर गरिरहेका छन् ।
करिब तीन लाख फलोअर्स कमाएका दयाले सामाजिक सञ्जालमा सेयर गरेका तस्वीरले पनि उनको विगत बारे बोलेको छ। 
उनले, चलचित्र ‘अनागरिक’ रिलिजको समयदेखि चलचित्र ‘दासढुंगा’ छायांकनका तस्वीर पनि पोस्ट गरेका छन् ।
दया अहिले फेरिएका छन् । तर, उनको व्यवहार भने झनै परिपक्क हुँदै गएको छ । चलचित्रमा अभिनय गर्ने क्रममा कहिले तारिफ त कहिले आलोचना भोगेका यी नायकबाट अन्य कलाकारहरूले सिक्नुपर्ने कुरा धेरै छ ।
